Agenda and minutes

Cafwyd ymddiheuriadau gan y Cadeirydd, y Cynghorydd Armand Watts, y Cynghorydd Jill Bond, y Cynghorydd Dale Rooke a’r Cynghorydd Malcom Lane, gyda’r Cynghorydd Louise Brown yn dirprwyo drosto.

Datganodd y Cynghorydd Penny Jones fuddiant nad oedd yn rhagfarnu fel aelod annibynnol o Fwrdd Iechyd Prifysgol Aneurin Bevan. Datganodd y Cynghorydd Alistair Neil hefyd fuddiant nad yw’n rhagfarnu, gan ei fod yn gweithio i GIG Cymru.

Caiff cyfarfodydd ein Pwyllgorau Craffu eu ffrydio’n fyw a bydd dolen i’r ffrwd fyw ar gael ar dudalen cyfarfodydd gwefanCyngor Sir Fynwy. 

Os hoffech siarad dan y Fforwm Agored i’r Cyhoedd mewn cyfarfod bydd angen i chi roi tri diwrnod gwaith o hysbysiad cyn y cyfarfod drwy gysylltu â Scrutiny@monmouthshire.gov.uk 

Y Cadeirydd fydd yn penderfynu faint o amser a roddir i bob aelod o’r cyhoedd i siarad, ond er mwyn ein galluogi i roi cyfle i nifer o siaradwyr gofynnwn nad yw cyfraniadau yn ddim hirach na 3 munud.

Yn lle hynny, os hoffech gyflwyno sylwadau ysgrifenedig, sain neu fideo, cysylltwch â’r tîm yn defnyddio’r un cyfeiriad e-bost i drefnu hyn os gwelwch yn dda. Y dyddiad cau ar gyfer cyflwyno sylwadau i’r Cyngor yw 5 pm dri diwrnod gwaith clir cyn y cyfarfod. Os yw cyfanswm y sylwadau a geir yn fwy na 30 munud, caiff detholiad o’r rhain yn seiliedig ar thema ei rannu yn y cyfarfod. Bydd yr holl sylwadau geir ar gael i’r cynghorwyr cyn y cyfarfod.

Nid oedd aelodau o’r cyhoedd yn bresennol.

Rhoddodd Lloyd Hambridge (BIPAB) ddiweddariad i’r pwyllgor ar ddeintyddiaeth, gyda ffocws neilltuol ar y canlynol:

• Trosolwg Trefniadaeth: Rhoddodd Lloyd gyflwyniad ar Addysg a Gwella Iechyd Cymru, gan danlinellu eu rôl yn datblygu gweithlu’r dyfodol ar gyfer y sector iechyd.
• Cynllun Strategol y Gweithlu Deintyddol: Trafododd y gwaith ar y cyd i greu Cynllun Strategol y Gweithlu Deintyddol, oedd yn cynnwys byrddau iechyd, deintyddion a rhanddeiliaid eraill. Mae’r polisi hwn yn gydnaws gyda chyfeiriad polisi y llywodraeth ar gyfer iechyd a gofal cymdeithasol yng Nghymru.
• Meysydd Ffocws: Esboniodd fod prif ffocws y cynllun ar wasanaethau deintyddol cyffredinol ond hefyd yn rhoi sylw i’r gweithlu deintyddol ehangach, yn cynnwys gwasanaethau deintyddol cymunedol.
• Datrysiadau Cynaliadwy: Soniodd Lloyd am y nod o ddarparu datrysiadau cynaliadwy ar gyfer y gweithlu deintyddol yng Nghymru, gwneud telerau ac amodau’r GIG yn ddeniadol i ddeintyddion a datblygu rhwydweithiau cymunedol ar ddeintyddiaeth.
• Academi Gofal Sylfaenol: Soniodd hefyd am rôl yr Academi Gofal Sylfaenol mewn datblygu a chynnal y gweithlu, yn cynnwys timau deintyddol.

Wedyn atebodd Lloyd ynghyd â Rachel Prangley (BIPAB) gwestiynau Aelodau.

 Cwestiynau allweddol a godwyd gan Aelodau: 

• Gofynnwyd am ddiweddariad ar ddeintyddiaeth ar gyfer plant a’r rhai ar incwm isel ac os oedd yr amserau aros yn gwella.

Rhoddodd Lloyd ystadegau manwl ar nifer y plant yr oedd gwasanaethau deintyddol wedi eu gweld, gan sôn y cafodd 77,000 o blant eu gweld ers mis Ebrill 2024, gyda chyfanswm o 94,000 yn y flwyddyn flaenorol. Trafododd hefyd y rhaglen Cynllun Gwên, sy’n cynnwys gweithgareddau glanhau dannedd a farnais fflworid mewn ysgolion, gyda ffocws ar ardaloedd amddifadus. Caiff gwasanaethau penodol hefyd eu darparu ar gyfer grwpiau bregus, yn cynnwys plant mewn ysgolion arbennig, oedolion gydag anableddau dysgu a’r rhai y mae camddefnyddio sylweddau yn effeithio arnynt.

• Gofynnwyd am ddiweddariad ar iechyd y boblogaeth ar draws y wlad.

Esboniodd Lloyd y caiff asesiad o anghenion y boblogaeth ei gynnal i gefnogi darpariaeth gwasanaeth, yn cynnwys gwasanaethau deintyddol. Cynigiodd rannu gwybodaeth fwy manwl a dolenni i’r data perthnasol.

• Oherwydd y cynnydd yn y boblogaeth, gyda’r rhan fwyaf o ddeintyddion newydd gymhwyso yn fenywod, ac yn rhagweld y bydd rhai yn gadael am absenoldeb mamolaeth ac yn dychwelyd i weithio’n rhan-amser, pa gamau penodol a gymerir i fynd i’r afael â’r gostyngiad yn y gweithlu i sicrhau cadw swydd hirdymor a bodlonrwydd swydd ar gyfer deintyddion?

Dywedodd Lloyd fod Addysg a Gwella Iechyd Cymru, ar y cyd gyda byrddau iechyd, deintyddion a rhanddeiliaid eraill wedi datblygu Cynllun Strategol y Gweithlu Deintyddol. Nod y cynllun yw darparu datrysiadau cynaliadwy ar gyfer dyfodol y gweithlu deintyddol yng Nghymru, gyda ffocws ar wasanaethau deintyddol cyffredinol a’r gweithlu deintyddol yn ehangach, yn cynnwys gwasanaethau deintyddol cymunedol. Dywedodd bod ymdrechion i wneud telerau ac amodau’r GIG yn ddeniadol i ddeintyddion, gan ystyried y gystadleuaeth o ddeintyddiaeth breifat ac y caiff rhwydweithiau deintyddol cymunedol i gefnogi ymarferwyr. Dywedodd hefyd fod yr Academi Gofal Sylfaenol ym Mwrdd Iechyd Prifysgol Aneurin Bevan yn gweithio i ddatblygu a chynnal y gweithlu deintyddol, gan drin anghenion timau deintyddol.

• Yn nhermau’r ganolfan iechyd  ...  view the full Cofnodion text for item 4.

Cadarnhawyd y cofnodion.

Crynodeb o’r Drafodaeth ar y Rhaglen Waith:

• Comisiynydd yr Heddlu a Throseddu: Gwneir ymdrechion i sicrhau dyddiad ar gyfer trafod adnoddau’r heddlu ar gyfer y sir. Gallai fod angen cyfarfod arbennig ar gyfer hyn oherwydd anawsterau amserlen.
• Pynciau’r Bwrdd Iechyd: Mae rhestr helaeth o bynciau i’w trafod gyda Bwrdd Iechyd Prifysgol Aneurin Bevan. Gallai rhai pynciau gael eu trin drwy bapurau gwybodaeth tra gall eraill, tebyg i wasanaethau iechyd meddwl a dementia, fod angen cyfarfodydd arbennig.
• Gwasanaeth Together Works yng Nghil-y-coed: Hysbyswyd aelodau fod y Cynghorydd Bond wedi gofyn am gyfarfod arbennig ar frys i drafod cau’r gwasanaeth. Cytunodd y cyngor i roi mwy o ystyriaeth i’r cais a holi aelodau’r pwyllgor ar p’un ai i drefnu cyfarfod arbennig ai peidio.
• Risg Llifogydd: Ystyriwyd fod y pwnc hwn yn fwy perthnasol i’r Pwyllgor Craffu Lle, ond gwahoddir aelodau o’r gymuned i fynychu pan gaiff ei drafod.
• Gwasanaethau Brechu: Mynegwyd pryderon am argaeledd gwasanaethau brechu mewn rhai ardaloedd, gan awgrymu fod angen dull gweithredu mwy cyson. Byddai hyn yn cael ei godi gyda’r bwrdd iechyd drwy’r diweddariadau y gwnaed cais amdanynt eisoes.

Dangosodd y drafodaeth yr angen am hyblygrwydd wrth drefnu cyfarfodydd arbennig pan fo angen.

Nodwyd.

7 Ebrill 2025 am 10.00am