Agenda and minutes

Ni chafwyd unrhyw ddatganiadau o fuddiant.

Caiff cyfarfodydd ein Pwyllgorau Craffu eu ffrydio’n fyw a bydd dolen i’r ffrwd fyw ar gael ar dudalen cyfarfodydd gwefan Cyngor Sir Fynwy. 

Os hoffech siarad dan y Fforwm Agored i’r Cyhoedd mewn cyfarfod bydd angen i chi roi tri diwrnod gwaith o hysbysiad cyn y cyfarfod drwy gysylltu â Scrutiny@monmouthshire.gov.uk 

Y Cadeirydd fydd yn penderfynu faint o amser a roddir i bob aelod o’r cyhoedd i siarad, ond er mwyn ein galluogi i roi cyfle i nifer o siaradwyr gofynnwn nad yw cyfraniadau yn ddim hirach na 3 munud.

Yn lle hynny, os hoffech gyflwyno sylwadau ysgrifenedig, sain neu fideo, cysylltwch â’r tîm yn defnyddio’r un cyfeiriad e-bost i drefnu hyn os gwelwch yn dda. Y dyddiad cau ar gyfer cyflwyno sylwadau i’r Cyngor yw 5 pm dri diwrnod gwaith clir cyn y cyfarfod. Os yw cyfanswm y sylwadau a geir yn fwy na 30 munud, caiff detholiad o’r rhain yn seiliedig ar thema ei rannu yn y cyfarfod. Bydd yr holl sylwadau geir ar gael i’r cynghorwyr cyn y cyfarfod.

Os hoffech awgrymu pynciau ar gyfer craffu arnynt yn y dyfodol gan un o’n Pwyllgorau Craffu, gwnewch hynny drwy anfon e-bost at Scrutiny@monmouthshire.gov.uk  os gwelwch yn dda.

Nid oedd neb o’r cyhoedd yn bresennol.

Rhoi trosolwg o'r cyllid ar gyfer priffyrdd, cyfrifoldebau'r Cyngor, Asiantaeth Cefnffyrdd De Cymru (SWTRA) ac eraill. Trafodaeth ar faterion a godwyd gan Aelodau mewn perthynas â'r M48, yr A466 a'r ddwy Bont Hafren.

Rhoddodd Carl Touhig gyflwyniad ac ateb cwestiynau aelodau gyda Deb Hill-Howells:

Cwestiynau allweddol a godwyd gan Aelodau: 

·         Sut y penderfynir ar gyfrifoldeb SWTRA am ffyrdd a pham nad yw rhai ffyrdd A yn gyfrifoldeb iddynt?

Mae dyraniad cefnffyrdd yn gymhleth ac ymddengys ei fod yn gysylltiedig â’r system traffyrdd. Er enghraifft, mae’r A48 o draeth I i lawr drwy Gas-gwent yn ffordd SWTRA, ond nid felly yr A4810. Nid yw’r union feini prawf ar gyfer y dyraniad yn hollol glir.

·         Pan mae SWTRA yn gwneud toriadau diogelwch, a ddylent hefyd fod yn casglu sbwriel? Mae’n aml yn edrych yn waeth ar ôl y toriadau.

Yn ddelfrydol dylai SWTRA gasglu sbwriel cyn torri gwair, ond nid yw hyn yn digwydd bob amser. Mae Deddf Diogelu’r Amgylchedd 1990 yn dweud mai awdurdodau lleol sy’n gyfrifol am glirio sbwriel ar gefnffyrdd, sy’n gwneud y mater yn fwy cymhleth.

·         Beth yw ein gweithlu llafur uniongyrchol mewn priffyrdd?

Mae gan yr ochr cynnal a chadw tua 30 o weithwyr, gyda 24 o weithwyr wedi rhannu’n gyfartal rhwng y gogledd a’r de. Mae tua 10-12 o bobl yn y swyddfa gefn ac mae tua 40 arall yn gwneud gwahanol swyddi o fewn priffyrdd.

·         Beth yw’r gwariant blynyddol ar gontractwyr mewn priffyrdd?

Mae’r gwariant ar gontractwyr allanol ar gyfer cynnal a chadw yn gymharol isel ond caiff prosiectau mawr fel rhoi wyneb newydd ar y Bont Wen, sy’n costio tua hanner miliwn, eu gwneud yn allanol. Mae’r cyfanswm gwariant tua £3-4 miliwn, gyda chyllideb SWTRA ychydig yn fwy na £5 miliwn.

·         A yw’r gweithdy priffyrdd sydd ar y gweill yn agored i bob aelod?

Ydi, bydd y seminar ar briffyrdd ar gyfer aelodau yn agored i bob aelod. Bydd yn rhoi sylw i system BRAG a’r matrics ar gyfer blaenoriaethau gwaith ffordd.

·         A fedrwn godi mater deddfwriaeth ar gyfer sbwriel gyda SWTRA a Llywodraeth Cymru?

Ydi, mae’n bosibl codi’r mater. Ar hyn o bryd nid oes gan Gymru ddeddfwriaeth i erlyn gyrwyr am daflu sbwriel. Mae hyn yn bryder parhaus a gwneir ymdrechion i wthio am ddeddfwriaeth o’r fath.

·         Beth fyddai effaith israddio’r M4 i liniaru traffig drwy Magwyr a Chas-gwent pan fydd pont yr M48 ar gau?

Esboniodd Deb fod y potensial ar ffordd gyswllt newydd ar yr M48 yn rhan o argymhellion Comisiwn Trafnidiaeth De Ddwyrain Cymru. Byddai dad-ddosbarthu yr M48 ac adeiladu cyffordd newydd yn gostwng costau yn sylweddol ac yn gwella llif traffig. Fodd bynnag, i ddechrau gwrthwynebodd swyddogion Llywodraeth Cymru y syniad o ddad-ddosbarthu oherwydd goblygiadau gwyro. Mae Cyngor Sir Fynwy yn parhau i hyrwyddo’r cynllun ac mae wedi ei gynnwys yn yr ymgynghoriad ar y cynllun trafnidiaeth rhanbarthol. Caiff cefnogaeth y cyhoedd ar gyfer yr ymgynghoriad ei annog i helpu hybu’r prosiect.

·         Pam fod SWTRA yn cau Cyffordd Thornwell ac yna’n cyfeirio traffig yn ôl ar y bont  ...  view the full Cofnodion text for item 3.

Rhoddodd Carl ddiweddariad, oedd yn cynnwys y pwyntiau canlynol:

• Mae dyrannu arian ar gyfer trwsio tyllau mewn ffyrdd yn dal yn yr arfaeth, felly nid yw’n bosibl rhoi manylion penodol pa ffyrdd gaiff eu trwsio nes y caiff y cyllid ei gadarnhau.
• Caiff mwy o arian ei ddyrannu i drwsio tyllau mewn ffyrdd eleni, gyda phwyslais ar ddefnyddio cymysgedd poeth ar gyfer trwsio mwy parhaol.
• Bydd cymysgedd oer yn dal i gael ei ddefnyddio ar gyfer trwsio argyfwng i sicrhau diogelwch ffyrdd ond y nod yw dilyn lan gyda gwaith trwsio mwy parhaol yn defnyddio cymysgedd poeth.
• Mae cydnabyddiaeth fod angen mwy o staff i gadw lan gyda gwaith trwsio a gobeithir y bydd cyllid ychwanegol yn helpu dal lan gyda’r ôl-groniad.
• Rhoddir sylw manwl i’r cynlluniau ar gyfer y broses trwsio tyllau mewn ffyrdd yn ystod y gweithdy a gynhelir, yn cynnwys defnydd cymysgedd oer a chymysgedd poeth, a’r matrics ar gyfer blaenoriaethu.
• Caiff y gweithdy ei drefnu unwaith y cafodd cyllid ei gadarnhau, mae’n debyg y caiff ei gynnal ddiwedd mis Ebrill neu ddechrau Mai.

Cwestiynau Allweddol gan Aelodau:

• A oes amserlen o waith ar gyfer priffyrdd yn dal i fod, ac a ellir ei defnyddio i reoli disgwyliadau preswylwyr am drwsio ffyrdd?

Unwaith y caiff y sefyllfa cyllid ei chadarnhau, caiff aelodau restr o waith a drefnwyd ar gyfer eleni, yn cynnwys prosiectau llai a gwaith clytio llai. Er y bydd amserlen o waith ar gael, pwysleisiodd Carl y gall gwaith trwsio argyfwng a newidiadau mewn blaenoriaethau oherwydd digwyddiadau na chafodd eu rhagweld (e.e. stormydd) effeithio ar yr amserlen. Dywedodd mai’r nod yw gwella cyfathrebu gyda phreswylwyr a rheoli disgwyliadau yn fwy effeithlon.

Diolchodd y cadeirydd i Carl a Deb am fynychu ac ateb cwestiynau yn llawn. Atgoffodd y pwyllgor y bydd y gweithdy arfaethedig a gynhelir gan y Pwyllgor Craffu Lle ar agor i bob Aelod etholedig ac anogodd bobl i fynychu. 

Cynigiwyd y cofnodion gan y Cynghorydd Dale Rooke ac eiliwyd gan y Cynghorydd Malcolm Lane.

Trafododd y pwyllgor ehangu cwmpas gwasanaethau iechyd meddwl i gynnwys materion yn ymwneud ag atal hunanladdiad, ond cytunodd y dylid hefyd ystyried iechyd meddwl oedolion a phlant ar wahân oherwydd lled y pynciau.

Awgrymodd aelod y dylai’r rhaglen waith gynnwys y newidiadau mewn gofal yn y cartref a gwelliannau i ddull gyfunol gofal gan Fwrdd Iechyd Prifysgol Aneurin Bevan.

Nodwyd.

Nodwyd.