Agenda and minutes

Gan nad oedd y Cadeirydd a’r Is-Gadeirydd ar gael i fynychu’r cyfarfod, etholwyd y Cynghorydd Sir David Jones yn Gadeirydd ar gyfer cyfarfod heddiw.

Nid oedd unrhyw Ddatganiadau o Fuddiant.

Cadarnhawyd cofnodion y cyfarfod a gynhaliwyd ar 22ain Gorffennaf 2024 fel cofnod cywir.

Gwnaethom wahardd y wasg a’r cyhoedd o’r cyfarfod wrth ystyried yr eitem fusnes a ganlyn yn unol ag Adran 100A o Ddeddf Llywodraeth Leol 1972, fel y’i diwygiwyd, ar y sail ei bod yn ymwneud â datgelu gwybodaeth eithriedig yn ôl pob tebyg fel y’i diffinnir ym Mharagraffau 12 a 14 o Ran 4 o Atodlen 12A i’r Ddeddf.

Gwnaethom ystyried 11 o geisiadau a dderbyniwyd yn erbyn y Gronfa Ymddiriedolaeth, a gyflwynwyd ar ran y Prif Swyddog Plant a Phobl Ifanc.

Penderfynodd yr Ymddiriedolaeth:

(i)                 dyfarnu gwobrau i naw o'r ymgeiswyr, yn amodol ar dderbynebau priodol a thystiolaeth o bresenoldeb. Byddai swyddogion yn cysylltu â rhai o'r ymgeiswyr hyn i ofyn am ragor o wybodaeth.

(ii)               ni chafodd dau gais eu hariannu yn y cyfarfod heddiw. Byddai swyddogion yn cysylltu â'r ddau ymgeisydd i gael rhagor o wybodaeth. Pan fydd y wybodaeth ychwanegol wedi dod i law, bydd y ceisiadau'n cael eu hailgyflwyno i gyfarfod o'r Ymddiriedolaeth yn y dyfodol i'w hystyried.

(iii)              bod adroddiad yn cael ei gyflwyno i gyfarfod nesaf yr Ymddiriedolaeth yn amlinellu polisi trafnidiaeth gyhoeddus yr Awdurdod a chyfraddau ceiniog y filltir, gyda golwg ar gynorthwyo myfyrwyr wrth wneud cais am gyllid yn erbyn yr Ymddiriedolaeth mewn perthynas â’u costau teithio i’r coleg.

Dydd Llun, 20fed Ionawr, 2025 2.00pm.