Agenda

Mae Sir Fynwy’n falch o’i threftadaeth ac yn ystyried bod bwyd a ffermio o bwys mawr nawr ac yn y dyfodol. Bydd pawb yma’n fwy nac ymwybodol o’r pwysau ar ein ffermwyr sy’n deillio o bolisïau amrywiol, o TB i reoliadau NVZ a’r polisi diweddaraf sy’n achosi poen difesur yw’r SFS – mae’r meini prawf y bydd yn rhaid i ffermwyr eu bodloni yn anghyraeddadwy a bydd yn ychwanegu pwysau aruthrol ar ein ffermwyr.

Gofynnaf i’r cyngor hwn alw ar Lywodraeth Cymru i oedi am funud o ran yr ymgynghoriad presennol a gweithio gyda ffermwyr, undebau ffermwyr a rhanddeiliaid eraill er mwyn dod o hyd i ffordd ymlaen sy’n gweithio i bawb - un nad yw’n cosbi ein ffermwyr a’u cymunedau ond yn hytrach, un sy’n eu cefnogi.

Rydym yn deall pwysigrwydd gwarchod ein amgylchedd a dylid rhoi ystyriaeth gyfartal i hyn, ond heb beryglu diogelwch ein bwyd wrth i ffermwyr gael eu gwthio allan o’r diwydiant.

Pa ymgysylltu wnaeth y cyngor gyda chanolfannau hamdden yn ystod yr ymgynghoriad ar gyllideb 24-25

A oes modd i’r Aelod Cabinet roi gwybod am unrhyw atgyweiriadau sydd wedi’u cynllunio i Ffordd Brynbuga os gwelwch yn dda, yn enwedig y rhan o Langybi i Frynbuga.

Sut fydd y Cyngor yn cefnogi disgyblion sy’n agored i niwed yn ystod blwyddyn ariannol 24-25?

Pa gamau y mae’r Cyngor yn eu cymryd i gefnogi busnesau canol tref Trefynwy yn ystod yr amhariad diweddar?

Yn wyneb y llifogydd a welwyd y gaeaf diwethaf ac eto ers cyfnod y Flwyddyn Newydd, hoffwn ofyn i’r Aelod Cabinet pa feddwl ymlaen a chamau rhagweithiol sy’n cael eu cymryd er mwyn mynd i’r afael â llifogydd lleol a llifogydd yng nghefn gwlad Sir Fynwy

O ystyried y toriadau arfaethedig i gyllidebau ysgolion yn 24/25, pa sicrwydd y gall yr Aelod Cabinet ei roi disgyblion a’u rhieni yn Ysgol Gynradd yr Eglwys yng Nghymru Brynbuga, sydd yn fy Ward, na fydd ansawdd pryd amser cinio’r plant a maint y dognau’n cael eu heffeithio