Agenda and minutes

Ni chafwyd unrhyw ymddiheuriadau.

Nodwyd y dirprwyo dilynol dros Aelodau ar gyfer y cyfarfod:

·        Y Cynghorydd Sir Jill Bond dros y Cynghorydd Sir Laura Wright

·        Y Cynghorydd Sir Alistair Neill dros y Cynghorydd Sir Tomos Dafydd Davies

Nid oedd datganiadau buddiant.

Cymeradwywyd cofnodion y cyfarfod a gynhaliwyd ar 12 Mehefin 2023.

Dywedodd y Rheolwr Democratiaeth Leol wrth yr Aelodau na fedrai Swyddogion oedd yn mynd i gyflwyno’r eitem fynychu oherwydd salwch a chytunodd y Cadeirydd i wahodd y Swyddogion i’r cyfarfod nesaf.

Cyflwynodd y Rheolwr Democratiaeth Leol yr eitem sy’n gofyn i Aelodau ystyried y newidiadau i ffurf y cofnodion ar gyfer pwyllgorau fel eu bod mewn ffurf tebyg i’r hyn a gyflwynwyd ar gyfer y Cyngor llawn

https://www.youtube.com/live/jvPBazOBYjM?feature=shared&t=109

Cytunodd y Pwyllgor i gymeradwyo’r newidiadau i ffurf y cofnodion a rhoi cysondeb ar draws pob pwyllgor.

Wrth wneud hynny, cytunodd Aelodau y byddai’r Pwyllgor yn adolygu’r ffurf mewn 12 mis i sicrhau ei fod yn effeithiol a hygyrch ar gyfer cynghorwyr yn ogystal ag aelodau’r cyhoedd. Fe wnaethom hefyd nodi’r cyfle i Gadeiryddion Craffu gyflwyno eu sylwadau i’r adolygiad.

Rhoddodd y Rheolwr Democratiaeth Leol ddiweddariad ar sianel Teams Aelodau a’r sgyrsfot ers y diweddariad blaenorol.

https://www.youtube.com/live/jvPBazOBYjM?feature=shared&t=2497

Nododd Aelodau y newidiadau a wnaed i sianel Teams Aelodau a’r Sgyrsfot.

Cytunwyd y caiff dolen i sianel Teams Aelodau ei ymestyn i’r holl Gynghorwyr Sir gyda manylion gan y Rheolwr Democratiaeth Leol ar sut i gael mynediad iddo a’i ddefnyddio. Byddir yn dod ag adroddiad cynnydd i’r cyfarfod nesaf.

Rhoddodd y Rheolwr Democratiaeth Leol ddiweddariad llafar am drefnu taith o’r Sir a safleoedd allweddol ar gyfer Aelodau.

https://www.youtube.com/live/jvPBazOBYjM?feature=shared&t=2741

Cytunodd Aelodau y dylid rhannu’r daith dros nifer o ddyddiau i gynnwys safleoedd allweddol ym mhob rhan o’r Sir. Cytunwyd y byddai’r Rheolwr Democratiaeth Leol yn cydlynu gyda’r Cadeirydd i ddynodi safleoedd a dyddiadau posibl ar gyfer y daith.

Nodwyd.

Gwahoddodd y Cadeirydd yr Aelodau i gyflwyno unrhyw eitemau ar gyfer eu hystyried yn y cyfarfod nesaf.

https://www.youtube.com/live/jvPBazOBYjM?feature=shared&t=3273

Awgrymodd y Cadeirydd gynnwys Rhestr o Gwynion a Chanmoliaeth i Aelodau ei nodi yn y cyfarfod nesaf.