Agenda and minutes

Datganodd y Cynghorydd Sir D. Blakebrough fuddiant personol nad yw'n rhagfarnu yn unol â Chod Ymddygiad yr Aelodau mewn perthynas â pherfformiad ysgolion gan ei bod yn llywodraethwr yn Ysgol Gyfun Trefynwy.

Datganodd y  Cynghorydd Sir P. Farley fuddiant personol nad yw’n rhagfarnu yn unol â Chod Ymddygiad yr Aelodau mewn perthynas ag unrhyw gyfeiriadau at Ysgol Gyfun Cas-gwent ac Ysgol Gynradd y Dell. Hefyd, mewn perthynas â Chynllun Busnes drafft y Gwasanaeth Cyflawni Addysg (GCA) gan ei fod yn Llywodraethwr Awdurdod Addysg yn y ddwy ysgol ac yn aelod o Bwyllgor Archwilio a Sicrhau Risg y GCA.

Datganodd y Cynghorydd Sir L. Guppy fuddiant personol nad yw’n rhagfarnu yn unol â Chod Ymddygiad yr Aelodau mewn perthynas â’r adroddiad ar berfformiad ysgolion a Chynllun Busnes y GCA gan ei bod yn llywodraethwr yn Ysgol Gynradd Rogiet ac Ysgol Gyfun Cil-y-coed.

Datganodd y Cynghorydd Sir D. Jones fuddiant personol nad yw’n rhagfarnu yn unol â Chod Ymddygiad yr Aelodau mewn perthynas â pherfformiad a chyllidebau ysgolion oherwydd ei fod yn llywodraethwr Ysgol Gymraeg Y Fenni ac Ysgol Gynradd Llanfihangel Crucorney.

Datganodd y Cynghorydd Sir P. Jones fuddiant personol nad yw’n rhagfarnu yn unol â Chod Ymddygiad yr Aelodau mewn perthynas â Chynllun Busnes y GCA a Deilliannau Ysgolion Sir Fynwy yr Arfer Categoreiddio Cenedlaethol  gan ei bod yn llywodraethwr Ysgol Gynradd yr Eglwys yng Nghymru Rhaglan.

Datganodd y Cynghorydd Sir M. Powell fuddiant personol nad yw’n rhagfarnu yn unol â Chod Ymddygiad yr Aelodau mewn perthynas â chanlyniadau perfformiad ysgol gan ei bod yn llywodraethwr Ysgol Gyfun y Brenin Harri’r VIII.

Datganodd Mr. M. Fowler Jones fuddiant personol nad yw’n rhagfarnu yn unol â Chod Ymddygiad yr Aelodau mewn perthynas â Deilliannau Ysgolion Sir Fynwy yr Arfer Categoreiddio Cenedlaethol  gan ei fod yn llywodraethwr Ysgol Gynradd yr Eglwys yng Nghymru Rhaglan.

Cadarnhawyd cofnodion y Pwyllgor Dethol Plant a Phobl Ifanc dyddiedig 12^fed Ionawr 2017 ac fe’u llofnodwyd gan y Cadeirydd yn amodol ar y gwelliant canlynol:

Cofnod 4, tudalen 3, y pwynt bwled cyntaf dan Craffu Aelodau – tynnu ‘Mewn ymateb’ o ddiwedd y frawddeg hon.

Cyd-destun

Darparu gwybodaeth i Aelodau’r Pwyllgorau Dethol ar ddatganiad rhagolwg alldro'r Awdurdod ar ddiwedd cyfnod 3 sy’n cynrychioli gwybodaeth ariannol 9 mis ar gyfer blwyddyn ariannol 2016/17.

Argymhellion a gynigiwyd i’r Cabinet:

• Bod y Cabinet yn nodi maint rhagolwg y tanwariant refeniw gan ddefnyddio data cyfnod 3 o £79,000, gwelliant o £919,000 ar y sefyllfa flaenorol a gofnodwyd yng nghyfnod 2.

• Bod y Cabinet yn disgwyl i Brif Swyddogion barhau i adolygu’r lefelau o droswariant a thanwariant ac ailddyrannu cyllidebau i leihau maint y sefyllfaoedd digolledu sydd angen eu cofnodi ar gylchoedd chwarterol.

• Bod y Cabinet yn gwerthfawrogi maint y defnydd a ragfynegwyd o gronfeydd wrth gefn ysgolion, ei effaith ar lefelau rhagolwg alldro cronfeydd wth gefn a’r disgwyliad cysylltiedig y bydd chwech o ysgolion pellach mewn sefyllfa o ddiffyg erbyn diwedd 2016-17.

• Bod y Cabinet yn ystyried y monitro cyfalaf, y troswariannau a’r tanwariannau penodol, a chyn bwysiced, fod y Cabinet yn cydnabod  y risg ynghlwm wrth orfod dibynnu ar ddefnydd o dderbyniadau cyfalaf ym mlwyddyn y gwerthiant a’r posibilrwydd i hyn gael pwysau refeniw sylweddol petai derbyniadau’n cael eu hoedi a’r angen i fenthyca dros dro.

• Bod y Cabinet yn cymeradwyo buddsoddiad ychwanegol o £30,000 i mewn i gyllideb gyfalaf Grant Cyfleusterau i’r Anabl er mwyn ymateb i’r galwadau a osodir ar y rhaglen gyfredol, yn cael ei gyllido gan drosglwyddiad o Gynnal a Chadw Priffyrdd a Mynediad ar gyfer yr holl Gyllidebau.

• Bod y Cabinet yn cymeradwyo cynnydd o £30,000 i gynllun cyswllt Ffordd Woodstock Way wnaed yn bosib drwy danwariant cyfatebol i gynllun gwella ardal arall (Y Fenni).

CraffuAelodau:

• Dangosodd chwe ysgol sefyllfa o ddiffyg ar ddechrau 2016/17.  Rhagwelir y bydd hyn yn cynyddu i 12 ysgol erbyn diwedd 2016/17. Mae Swyddogion yn ymweld â’r ysgolion hyn gyda’r bwriad o  gynhyrchu cynlluniau adferol. Fodd bynnag, nodwyd bod gan nifer o’r ysgolion hyn gyllidebau diffyg isel iawn a’u bod, felly, yn debygol o adfer y sefyllfa’n gyflym.

• Mewn ymateb i gwestiwn a godwyd ynghylch cyllid Ôl-16, nodwyd yr anfonir yr arian drwodd i’r ysgolion drwy gyfrwng yr Awdurdod Lleol. Mae amryw o wahanol ddulliau y gellid eu cymhwyso i’r dosbarthiad hwnnw.  Mae’r Gyfarwyddiaeth Plant a Phobl Ifanc wedi bod yn gweithio gyda’r ysgolion i ddod o hyd i fethodoleg briodol sy’n seiliedig ar ddata disgyblion byw. Tanseiliwyd gwaith yn ystod y flwyddyn flaenorol i raddau gan y ffaith bod y swm gwirioneddol a dderbyniwyd oddi wrth Lywodraeth Cymru yn sylweddol is na’r hyn a ddisgwylid. Derbyniwyd gostyngiad o 8% o gymharu â’r flwyddyn gynt. Mae gan yr Awdurdod gynnig gyda’i ysgolion y cymerir y dosbarthiad ar gyfraddau cyfartal y gostyngiad. Fodd bynnag, mae hyn yn cael ei adolygu. Os cymerir hyn ymlaen eleni, bydd yr Awdurdod yn sicrhau, yn y flwyddyn gyfamserol y bydd yn rhaid i’r holl ysgolion gytuno i fethodoleg gytûn, y glynir ati am y tair blynedd nesaf. Mae  ...  view the full Cofnodion text for item 3.

Cyd-destun

Derbyn y data cyrhaeddiad addysgol diweddaraf gan ganiatáu i’r gwasanaeth gael ei ddwyn i gyfrif. Mae hyn yn cynnwys:

•           Perfformiad disgyblion ar ddiwedd Cyfnodau Allweddol 4 a 5.

•           Dadansoddiad, lle mae’n bosibl, o berfformiad ar draws yr holl gyfnodau allweddol ar gyfer y grwpiau canlynol:

-           Merched a Bechgyn.

-           Disgyblion sy’n gymwys ar gyfer prydau ysgol am ddim (PYDd).

MaterionAllweddol:

• Mae’n dwyn ynghyd y negeseuon pennawd o nifer o ddadansoddiadau mwy manwl a gynhwysir fel atodiadau i’r adroddiad.
• Mae’n cynnwys cyfoeth o wybodaeth gan alluogi aelodau i bori’n ddyfnach o ddata lefel yr awdurdod i ffigurau ar gyfer grwpiau dysgwyr penodol.
• Darperir cymariaethau o 2011/12, sef y flwyddyn academaidd cyn yr arolwg llawn diwethaf gan Estyn.
• Mae’n galluogi’r Pwyllgor Dethol i edrych y tu hwnt i’r mesurau hynny ar lefel uchel i rai o’r manylion a oedd oddi tano.

CyfnodAllweddol 4

·      Gwelodd Sir Fynwy gynnydd o 0.1 pwynt canran yn y dangosydd pennawd Cyfnod Allweddol 4 i 67.0% – roedd Trothwy Lefel 2 gan gynnwys Saesneg / Cymraeg a Mathemateg, o gymharu â 66.9% yn 2015 a 56.3% yn 2012.

·      Symudodd Sir Fynwy lawr i’r 3ydd safle o’r safle 1^af yn rancio awdurdodau lleol Cymru ar gyfer Trothwy Lefel 2 gan gynnwys Saesneg / Cymraeg a Mathemateg.

CyfnodAllweddol 5

·      Gwelloddperfformiad yng nghanran y disgyblion yn cyflawni Trothwy Lefel 3, gyda 99.1% yn cyflawni’r meincnod, cynnydd o’r 97.9% yn 2015.

CraffuAelodau:

·      BwlchPrydau Ysgol am Ddim (PYDd) – Yr hyn sy’n allweddol yw’r modd mae’r Awdurdod yn adnabod yr angen cynnar am y gefnogaeth sy’n ofynnol i ddisgyblion PYDd. Gan weithio gyda’r GCA mae bellach gynlluniau ymyrryd addas yn eu lle ar gyfer Saesneg a Mathemateg i’r holl ysgolion uwchradd.

·      Nodwyd, mewn Saesneg, bod bechgyn yn tanberfformio, ac mae angen gwella hyn. Dylai’r newid yn y cwricwlwm sy’n arwain at fwy o gywirdeb technegol mewn iaith Saesneg, i’r gwrthwyneb i lenyddiaeth Saesneg, fod o gymorth i fechgyn. Y risg o gwmpas iaith Saesneg eleni yw ei fod yn gymhwyster newydd ac nad yw ysgolion wedi’i ddysgu o’r blaen.

·      Hunan-arfarniad a gosod targedau - Roedd rhai o ysgolion Sir Fynwy yn nes at eu targedau nag ysgolion eraill. Mae gosod targedau’n broses ac rydym ni fel Awdurdod yn gweithio’n glos gyda’n hysgolion o’r Cyfnod Sylfaen i Gyfnod Allweddol 4. Gwiriwyd targedau ac mae data lefel disgyblion wedi’u dadansoddi i sicrhau bod y targedau’n ddibynadwy. 

·      Nidydym lle byddem yn dymuno bod parthed y canlyniadau a gyflawnwyd yr haf diwethaf.  Mae’r gwaith a wneir eleni’n ein gosod yn y cyfeiriad cywir i fwrw’r 70%.  Yr her fydd y cymwysterau newydd a gallai hyn gael effaith ar draws Cymru gyfan.

·      Mae’rAwdurdod yn parhau i weithio gyda’i ysgolion. Mae ganddo berthynas glos gyda’i ysgolion cynradd ac uwchradd.

·      Grant Amddifadedd  ...  view the full Cofnodion text for item 4.

Cyd-destun

DerbyniasomGynllun Busnes y GCA De-ddwyrain Cymru 2017-2020. Mae’r cynllun yn gosod y blaenoriaethau, y rhaglenni a’r deilliannau i’w cyflawni gan y Gwasanaeth Cyflawniad Addysg ar ran Consortiwm De-ddwyrain Cymru. Mae’r ystyriaeth hon gan bartneriaid allweddol yn rhan o wead y cynllun.

MaterionAllweddol:

Mae’nofynnol i Gonsortiwm De-ddwyrain Cymru gyflwyno i Lywodraeth Cymru gynllun busnes tair blynedd a gaiff ei ddiweddaru’n flynyddol. Dyma’r pedwerydd iteriad o’r cynllun a gyflwynwyd yn gyntaf yn 2013. Mae’r cynllun hwn yn cwmpasu cyfnod 2017-2020.

Mae Cynllun Busnes y GCA De-ddwyrain Cymru yn amlinellu pedair blaenoriaeth. Gwella cyrhaeddiad yn gyffredinol ond culhau’r bwlch rhwng y disgyblion sy’n gymwys i gael Prydau Ysgol am Ddim (PYDd) a’r rheiny nad ydynt yn gymwys; codi cyrhaeddiad mewn Saesneg, Cymraeg a Mathemateg. Mae’r rhain yn flaenoriaethau craidd ar gyfer y gwasanaeth ac mae’r holl weithgareddau a’r rhaglenni eraill nawr yn cefnogi cyrhaeddiad y deilliannau hyn.

Mae’rGwasanaeth Cyflawniad Addysg (GCA) ar gyfer De-ddwyrain Cymru wedi paratoi’r Cynllun Busnes hwn ar gyfer 2017-2020 i amlinellu’r rhaglen waith sy’n ofynnol i gyflawni deilliannau gwell i blant a phobl ifanc. Mae’r fersiwn hon yn adeiladu ar y Cynllun Busnes cyfredol ar gyfer y gwasanaeth (2016-2019) ond mae’n ystyried fframwaith polisi newydd Llywodraeth Cymru (LlC), yn arbennig:

• Y system Genedlaethol ar gyfer Categoreiddio Ysgolion
• ‘Cymwys am Oes 2’ - y Strategaeth Genedlaethol er mwyn Gwella Addysg.

• ‘Dyfodol Llwyddiannus’ – adolygu cwricwlwm ac asesiad.
• ‘Addysgu Athrawon Yfory’ - yr adolygiad o Hyfforddiant Cychwynnol Athrawon.

Mae’rrhaglenni gwaith wedi’u targedu’n glos at gyflawni gwelliant lle mae’;r anghenion fwyaf. Nod y GwasanaethCyflawniad Addysg (GCA) mewn partneriaeth gyda’r Awdurdodau Lleol yw:

• Gwella arweinyddiaeth, addysgu a dysgu i sicrhau gwelliant cynaliadwy mewn deilliannau i ddysgwyr (mewn llythrennedd  / Cymraeg  / Saesneg a rhifedd / mathemateg) o leiaf yn unol neu’n uwch na’r raddfa gynnydd yng Nghymru.
• Gwella graddfa’r gwelliant ar gyfer grwpiau o ddysgwyr ar draws y rhanbarth, yn enwedig y disgyblion sy’n cael Prydau Ysgol am Ddim a’r dysgwyr mwy galluog yng Nghyfnod 4.
• Gwellacapasiti rhanbarthol i weithredu system sy’n gwella’i hun.

Mae ymgynghoriad cynhwysfawr gyda’r holl randdeiliaid a fydd yn arwain at gyhoeddi fersiwn derfynol y Cynllun Busnes o fewn y graddfeydd amser a gytunwyd yng Nghylch Cynllunio Busnes y GCA. Rhannwyd y fersiwn ddrafft derfynol gyda Chyfarwyddwr Addysg pob awdurdod lleol ac mae’n ystyried y camau gweithredu a’r cyflawniadau y gwnaed cais amdanynt. 

Mae crynodeb cynhwysfawr o’r prif gamau gweithredu o fewn y Cynllun Busnes ac adran ar Fesurau Atebolrwydd. Yn ychwanegol, mae cynlluniau cyflenwi manwl ac adolygiadau manwl o gynnydd ar gyfer y Cynllun Busnes blaenorol.

Mae’rCynllun Busnes yn amlinellu’r blaenoriaethau cyffredinol ar gyfer rhanbarth y De-ddwyrain ac yn ychwanegol atodiad sy’n canolbwyntio’n benodol ar y blaenoriaethau a’r rhaglenni ar gyfer pob awdurdod lleol yn  ...  view the full Cofnodion text for item 5.

Cyd-destun

Cynghori’rPwyllgor Dethol o ganlyniadau ymarfer categoreiddio cenedlaethol blynyddol. 

MaterionAllweddol:

Mae categoreiddio ysgolion yn faromedr defnyddiol blynyddol o’r cynnydd mae ysgolion Sir Fynwy’n ei wneud mewn dau faes allweddol, eu perfformiad academaidd a’u gallu i wella.   

CraffuAelodau:

• Mynegwydpryder ynghylch y modd y gwelir yr Ymarfer Categoreiddio Cenedlaethol o safbwynt y cyhoedd ac fel y gall data disgyblion sy’n derbyn Prydau Ysgol am Ddim (PYDd) effeithio ar gategoreiddio ysgol. Mae’r GCA yn cydnabod natur anarferol Sir Fynwy sydd â lefelau isel o ddisgyblion PYDd o gymharu ag awdurdodau lleol eraill. Fodd bynnag, nodwyd bod y data a archwiliwyd gan y GCA flwyddyn ar ôl blwyddyn wedi dangos bod y bwlch mewn perfformiad rhwng disgyblion sy’n derbyn Prydau Ysgol am Ddim a disgyblion heb dderbyn Prydau Ysgol am Ddim yn amlwg.

• Nodwyd, ar gyfer ysgolion cynradd, nid yw data PYDd yn ystyriaeth parthed y mesurau. Mae mewn ysgolion uwchradd yn unig.

• Mewnymateb i gwestiwn gan Aelod o’r Pwyllgor Dethol ynghylch Ysgolion uwchradd ‘Gwyrdd’, dywedodd y Prif Ymgynghorydd Heriau mai ‘Gwyrdd’ yw pan nad oes angen mwy na phedwar diwrnod yn unig o gymorth gan y GCA. Mae ysgol â statws ‘Gwyrdd’  yn wahanol iawn o fod yn ysgol mewn safonau Gr?p 1 ar Gam Un.  Bydd ar ysgol mewn safonau Gr?p 1 ar Gam Un angen mwy na phedwar diwrnod o gymorth gan y GCA. 

• Mynegwydpryder nad oedd canfyddiad y cyhoedd o’r system hon yn hollol ddealladwy a gallai hyn roi camargraff o’r modd mae ysgol yn gwirioneddol berfformio o ganlyniad i statws lliw.

Derbyniasom a nodwyd gennym y rhestr o gamau gweithredu a gafodd eu cwblhau yn codi o gyfarfod y Pwyllgor Dethol Plant a Phobl Ifanc a gynhaliwyd ar 12^tfed Ionawr 2017.

Penderfynasomdderbyn BlaengynllunGwaith y Pwyllgor Dethol Plant a Phobl Ifanc. Wrth wneud hynny nodwyd y pwyntiau canlynol:

• Cynhelircyfarfod Pwyllgor ar y Cyd ar gyfer y pedwar pwyllgor dethol ar 27^ain Chwefror 2017 am 2.00pm i archwilio’r achos busnes ar gyfer y Model Cyflawni Gwasanaeth Amgen ac amcanion Llesiant y Cyngor.  .

• Daw cyfarfod cyffredin nesaf y Pwyllgor Dethol Plant a Phobl Ifanc, a amserlennir i’w gynnal ar ddydd Iau 23^ain Mawrth 2017 yn gyfarfod Pwyllgor Dethol ar y Cyd gyda’r Pwyllgor Dethol Oedolion. Bydd y Pwyllgor hwn yn ystyried y Strategaeth Gofalwyr Ifanc gyntaf yng Nghymru lle gwahoddir rhai gofalwyr ifanc i’r cyfarfod. Caiff adroddiad ar Amddiffyn hefyd ei ystyried yn y cyfarfod hwn.

Penderfynasomdderbyn Blaengynllun Gwaith Busnes y Cyngor a’r Cabinet gan nodi’i gynnwys.

Cynhelir y cyfarfod cyffredin nesaf ar 23 Mawrth 2017 am 2.00pm.

Pwyllgorar y cyd gyda’r Pwyllgor Dethol Oedolion fydd y cyfarfod nesaf a gynhelir ar ddydd Iau 23^ain Mawrth 2017 am 2.00pm.