Agenda and minutes

Fe wnaethom ethol y Cynghorydd Sir P. Jordan yn Gadeirydd dros dro ar gyfer y Pwyllgor Cynllunio a hynny i eistedd mewn cyfarfodydd y Pwyllgor Cynllunio ac ar y Panel Dirprwyedig tan y gall y Cadeirydd parhaol ailgydio yn ei dyletswyddau.

Fe wnaethom ethol y Cynghorydd Sir A. Webb yn Is-gadeirydd dros dro y Pwyllgor Cynllunio a hynny i eistedd mewn cyfarfodydd y Pwyllgor Cynllunio ac ar y Panel Dirprwyedig tan y gall yr Is-gadeirydd parhaol ailgydio yn ei ddyletswyddau.

Ni chafwyd unrhyw ddatganiad o fuddiant.

Cymeradwywyd a llofnodwyd cofnodion cyfarfod y Pwyllgor Cynllunio dyddiedig 5 Hydref 2021 gan y Cadeirydd.

Rydym wedi ystyried yr adroddiad ar y cais y gofynnir am gymeradwyaeth ar ei gyfer er mwyn galluogi’r Cyngor, fel yr Awdurdod Cynllunio perthnasol, i orchymyn dirymu caniatâd cynllunio DM/2020/00817 ar gyfer Maes Parcio’r Orsaf ar Dir i’r De o Gyffordd Twnnel Hafren.

Cyflwynwyd y cais i’r Awdurdod Cynllunio Lleol ar 24 Mehefin 2020 ac fe’i dilyswyd ar 3 Gorffennaf 2020. Mae’r cais wedi’i gofrestru ers hynny a’r ymarfer ymgynghori priodol wedi’i gynnal. Cyflwynwyd y cais i’r Panel Dirprwyedig i’w ystyried ar 27 Hydref 2021 ac argymhellodd swyddog y dylid ei gymeradwyo. Cytunodd y Panel Dirprwyedig ag argymhelliad y swyddog ar ôl hynny a chymeradwywyd y cais ar 28 Hydref 2021 gydag amodau.

Yn dilyn cyhoeddi’r penderfyniad daeth yn amlwg na ddylai’r cais fod wedi’i gyflwyno i’r Panel Dirprwyedig. Yn unol â Chyfansoddiad y Cyngor roedd yn ofynnol cyflwyno’r cais i’r Pwyllgor Cynllunio i benderfynu arno o gofio mai’r Cyngor oedd yr ymgeisydd a bod gwrthwynebiad cynllunio sylweddol i’r cynigion.

Felly cafwyd caniatâd i gyflwyno Gorchymyn Dirymu er mwyn dirymu’r penderfyniad yn gyfreithlon. 

Ar ôl ystyried adroddiad y cais cynigiodd y Cynghorydd Sir G. Howard y dylid gwneud gorchymyn dirymu o dan Adran 97 o Ddeddf Cynllunio Gwlad a Thref 1990 er mwyn dirymu’r cais cynllunio DM/2020/00817 ac y dylid cyflwyno’r cais a’i ystyried yn llawn yn un o gyfarfodydd y Pwyllgor Cynllunio yn y dyfodol er mwyn penderfynu arno, ac eiliwyd hynny gan y Cynghorydd Sir M. Feakins.

Ar ôl cynnal pleidlais ar y mater, cofnodwyd y pleidleisiau canlynol:

O blaid dirymu-           7

Yn erbyn dirymu         -           0

Ymatal             -           0

Cymeradwywyd y cynnig.

Penderfynwyd gwneud gorchymyn dirymu o dan Adran 97 o Ddeddf Cynllunio Gwlad a Thref 1990 er mwyn dirymu’r cais cynllunio DM/2020/00817 ac y dylid cyflwyno’r cais a’i ystyried yn llawn yn un o gyfarfodydd y Pwyllgor Cynllunio yn y dyfodol er mwyn penderfynu arno.

Nodwyd y byddai arolygiad o’r safle yn cael ei gynnal cyn cyflwyno’r cais yng nghyfarfod y Pwyllgor Cynllunio yn y dyfodol.

Derbyniwyd adroddiad yr Arolygiaeth Gynllunio yn ymwneud â phenderfyniad ar yr apêl yn dilyn ymweliad safle a gynhaliwyd yn 73 Heol y Parc, Cil-y-coed ar 7 Medi 2021.

Nodwyd bod yr apêl wedi’i gwrthod.