Agenda item

Cyd-destun:

Craffu Cynllun Busnes ’Y Prentis’ 2016-18. 

MaterionAllweddol:

Sefydlwyd Y Prentis yn 2012 gan CMC² a Chartrefi Melin fel cwmni ‘na fyddai’n gwneud elw’, cyfyngedig drwy warrant, Y Prentis yw unig gyflenwr cydnabyddedig rhannu prentisiaethau mewn adeiladu yn Ne-ddwyrain Cymru i’r Bwrdd Hyfforddi’r Diwydiant Adeiladu (CITB). Ei weledigaeth yw ‘darparu cyfleoedd cyflogaeth hirdymor i helpu pobl ifanc fwyafu’u potensial’ a’i nod yw recriwtio  50 o brentisiaid newydd wedi’u noddi gan CITB bob blwyddyn a 10 prentis wedi’u noddi gan Y Prentis bob blwyddyn.

Mae blaenoriaethau Y Prentis yn glir, sef:

• Cyflenwi mwy o brentisiaethau i gwrdd ag angen diwydiant.

• Cadw cyflenwad y newydd ddyfodiaid i lifo.

• Datblygu cynnig o yrfa sy’n hyrwyddo’r sector adeiladu fel llwybr i ffyniant economaidd i bobl o bob cefndir.

• Gweithio gyda CITB, ysgolion, colegau, prifysgolion a chyflenwyr hyfforddiant eraill i sicrhau ein bod yn datblygu’u gwybodaeth, a’u dealltwriaeth o ofynion y sector adeiladu. 

• Darparu cefnogaeth i helpu busnesau i wella’u min cystadleuol a chymryd mantais o gyfleoedd newydd.

• Gweithiogyda’r CITB, diwydiant a’r llywodraeth i helpu i gyflenwi prosiectau seilwaith.

CraffuAelodau:

• Hydyn hyn, mae Y Prentis wedi galluogi dros 160 o bobl ifanc i gael mynediad i brentisiaethau cynaliadwy sy’n cynnig cyflog byw ac mae 12 o’r rhain o Sir Fynwy.

• Mewnymateb i gwestiwn gan Aelod o’r Pwyllgor Dethol, nodwyd bod manylion yr ardoll yn dal i gael eu datblygu. Mae Swyddogion yn disgwyl fframweithiau a chyngor Llywodraeth Cymru. 

• Mae’rgalw eisoes yn uchel ac mae’n argoeli i barhau’n uchel yn y blynyddoedd i ddod parthed y sgiliau sydd yn ofynnol ar gyfer y diwydiant adeiladu. Mae Y Prentis yn y lle delfrydol i ddarparu’r gwasanaeth hwnnw.

• Mae astudiaeth ar y gweill drwy gyfrwng y Cynllun Datblygu Gwledig (RDP) yn nhermau anghenion ar gyfer y sector arlwyo. Mae’n debygol y bydd cyfleoedd ar gyfer prentisiaethau yn y maes hwn ac mewn sawl maes arall.

• Gall Model Y Prentis fod yn gymwys i wahanol sectorau ond mae’n gweddu i’r dim i’r diwydiant adeiladu a hefyd peirianneg.

• Mewnymateb i gwestiwn gan Aelod o’r Pwyllgor Dethol, nodwyd bod gan Y Prentis wyth coleg sy’n bartneriaid. Mae Y Prentis wedi’i bartneru gyda 60 o gontractwyr ac mae ganddo oddeutu 30 o gleientiaid. Mae’r ddeialog gyda cholegau ynghylch yr hyn sy’n ofynnol yn un barhaus ons mae angen ei chymryd ymhellach.  

• Mae’nofynnol i’r math o addysg sydd angen ei gosod yn ei lle ym mhob ysgol a choleg allu darparu ar gyfer y mathau o brentisiaethau a gaiff eu cynnig. Mae’r strategaeth addysg ar hyn o bryd yn cael ei hadolygu. Felly, dyma gyfle da i fynd i’r afael â’r materion hyn.

• Mae model Y Prentis yn cwmpasu rhanbarth De-ddwyrain Cymru’n gyfan gwbl. Felly, nid eithrir neb o bortffolio prosiectau posib a allai fod yn gyfrwng darparu cyfleoedd hyfforddiant i bobl ifanc.

• Mewnymateb i gwestiwn gan Aelod o’r Pwyllgor Dethol ynghylch cyllid Y Prentis, nodwyd bod Y Prentis yn gweithredu ar warged a bod ganddo arian iach wrth gefn i syrthio nôl arno os bydd angen. 

• Mae perthynas weithio glos ar hyn o bryd gyda Gyrfaoedd Cymru parthed cynghori pobl ifanc. Nodwyd bod Costain ar hyn o bryd yn gweithio ar Ddeuoli Blaenau’r Cymoedd rhwng Gilwern a Brynmawr ac roeddent yn annog y cyhoedd i ymweld â’r safle. Nodwyd i’r mater hwn gael ei ddynodi ac roedd awydd dilyn y mater hwn drwodd.