Agenda item

Cyd-destun:

Ystyried a chymeradwyo’r Strategaeth ar gyfer Plant, Pobl Ifanc a’u Teuluoedd.

          Materion Allweddol:

Mae’r Strategaeth ar gyfer Plant, Pobl Ifanc a'u Teuluoedd yn amlinellu’r bwriadau strategol parthed Plant, Pobl Ifanc a'u Teuluoedd sydd angen gofal a chefnogaeth gan Gyngor Sir Fynwy.

Yn benodol, mae’n ceisio cefnogaeth Pwyllgor Dethol Plant a Phobl Ifanc er mwyn:

1. Cymeradwyo’r Strategaeth ar gyfer Plant, Pobl Ifanc a'u Teuluoedd sy’n amcanu cadw plant a phobl ifanc yn ddiogel  drwy rwystro angen rhag cynyddu, ymateb yn briodol i bryderon ynghylch anfantais a diogelu, a chynnal ffocws ar glustnodi’r lleoliadau mwyaf priodol;

2. Datblygu a chyllido gwasanaethau atal ac ymyrraeth gynnar i leihau’r angen rhag cynyddu, a chefnogi plant a phobl ifanc allan o wasanaethau statudol;

3. Adolygu’r ystod o wasanaethau cymorth i deuluoedd y mae Sir Fynwy’n eu darparu ar bob haen o ymyrraeth i sicrhau, lle bo’n bosibl, fod plant yn aros yn eu teuluoedd a lle maent mewn gofal y gallant gael eu haduno’n effeithiol;

4. Cryfhau’n hagwedd at arfer a sicrwydd ansawdd drwy ddysgu a gweithredu newid o’r casgliadau o ymarferion sicrwydd ansawdd;

5. Cryfhau’n casgliad, dilysu a chyflwyno gwybodaeth a chudd-wybodaeth, sy’n rhoi cipolwg ar ba mor effeithiol y mae’r system yn gyffredinol wrth amddiffyn a chefnogi plant agored i niwed, ynghyd â helpu i newid a gwella arfer;

6. Cryfhau’r gweithdrefnau ar gyfer mynediad i ofal;

7. Gwella’r cyfleoedd i blant a phobl ifanc gael sefydlogrwydd y tu allan i’r system ofal drwy eu galluogi i gael eu haduno gyda’u teulu gwaed neu’u teulu estynedig lle mae’n ddiogel i wneud hynny, neu drwy sicrhau gorchymyn mabwysiadu neu orchymyn gwarchodaeth arbennig i fyw gyda theulu sefydlog;

8. Ehangu caffaeledd lleoliadau i gwrdd ag ystod eang o blant, yn arbennig leoliadau ar gyfer yr arddegau, rhieni a babanod, grwpiau sibling a phlant ag anghenion ychwanegol/heriol;

9. Gwerthuso’r prosiect y Gymdeithas Brydeinig dros Gyflogaeth gyda Chefnogaeth gyda’r nod o sefydlu a fu’r model yn effeithiol, ac a ellir ei ehangu i’r holl rieni maeth, mabwysiadwyr, a gwarcheidwaid arbennig;

10. Sicrhau bod lleoliadau gyda chytundebau rhieni’n cael eu diweddaru, yn unol â gofynion rheoleiddiol a bod cynlluniau’n cael eu monitro, a lle bo’n bosibl, bod trefniadau’n cael eu gwneud i ryddhau Gorchmynion Gofal a chefnogi teuluoedd i gwrdd ag anghenion plant heb yr angen iddynt aros yn blant yr edrychir ar eu holau.

Craffu Aelodau:

Gofynnodd Aelodau am y cynllun peilot o 20 teulu maeth yn gweithio gyda ffisiolegydd clinigol a chymeradwyo’r gefnogaeth i deuluoedd maeth a fu’n ddiffygiol yn y gorffennol. Gofynnwyd a fyddai hyn yn cael effaith gadarnhaol. Mae Swyddogion yn gobeithio y bydd yn cael effaith o’r fath ac maent yn edrych ymlaen at weld y peilot yn cychwyn yn fuan.   

Parthed y data hanesyddol ynghylch Plant yr Edrychir ar eu Holau, mae’r data’n dangos cynnydd diweddar o 34% yn Sir Fynwy gydag ymyrraeth gynnar o’r pwys mwyaf ym mhob achos.

Mewn ymateb i gwestiynau ynghylch y nifer rhagamcanol o Blant yr Edrychir ar eu Holau eglurodd Pennaeth y Gwasanaethau Plant nad oedd hi o angenrheidrwydd eisiau gweld nifer y Plant yr Edrychir ar eu Holau yn gostwng, byddai’n rhaid i’r pwyslais fod ar y plant iawn yn cael eu hedrych ar eu holau pan fyddant ei angen am y cyfnod amser iawn a lle bo’n bosibl, yn byw gyda’u teuluoedd.

Gwnaeth Aelod sylw fel bydd plant yn mynd yn h?n, daw’n fwy anodd eu hintegreiddio.

Gofynnwyd faint mae’r Adran yn ei gostio a sut mae’n cymharu ag awdurdodau eraill. Dywedwyd wrthym, 2-3 blynedd yn ôl, pan gynghorodd swyddogion yr alldro ar gyfer Pwyllgor Dethol Plant a Phobl Ifanc fe’n cynghorwyd ein bod yn cychwyn casglu pwyntiau uned a data cymharol. Mae’r cyfoeth hwn o ddata yn caniatáu i ni gymharu’n hunain yn erbyn 21 o awdurdodau eraill. Rydym hefyd yn cymharu cymhareb CP?/ â chymhareb Plant yr Edrychir ar eu Holau.

Parthed  lleoliadau preswyl awgrymodd Aelod Pwyllgor ddefnyddio Mountain House.

Eglurodd yr Aelod Cabinet natur materion difrifol ac anghenion cymhleth  rhai o’r plant a phwysleisiodd bwysigrwydd dod o hyd i’r datrysiad gorau ar gyfer y plant hyn.