Agenda item

Rhoesom ystyriaeth i’r adroddiad ar y cais a argymhellwyd i’w gymeradwyo, yn amodol ar y tri amod, fel yr amlinellwyd hwy yn yr adroddiad..

 

Amlinellodd y Cynghorydd V. Long, yn cynrychioli Cyngor Cymuned Llanfihangel Troddi, a oedd yn mynychu’r cyfarfod ar wahoddiad y Cadeirydd, y pwyntiau canlynol:

 

• Mae angen i bobl ifanc agored i niwed gael eu hedrych ar eu holau yn unol â’u hanghenion unigol.

 

• Y pwynt yw a yw’n briodol cael y math hwn o fusnes yn gweithredu yn Hazeldene, Comin Llanfihangel Troddi.

 

• Yn y datganiad hygyrchedd gyda’r cais cynllunio dywed nad oes gan Gyngor Sir Fynwy unrhyw bolisïau’n ymwneud ag addasu tai preifat i mewn i gartrefi gofal bychain, sy’n anffodus yn gysylltiedig â’r cais hwn.

 

• Hyd yn oed gyda diffyg canllawiau cynllunio, nid yw’r lleoliad yn gweddu i gartref gofal preswyl.

 

• Ni fyddai Hazeldene ar gael i blant lleol ond i blant agored i niwed o’r tu allan i’r ardal.

 

• Yn absenoldeb canllawiau yn y Cynllun Datblygu Lleol, mae’r Cyngor Cymuned wedi edrych ar ardaloedd eraill sydd â phrofiad mewn cartrefi categori C, h.y. dylai cartrefi gofal preswyl gael eu lleoli yn agos i fan lle mae cyfleusterau preswyl megis siopau, cyfleusterau gofal iechyd a thrafnidiaeth gyhoeddus.  Nid oes gan Gomin Llanfihangel Troddi y cyfleusterau hyn.

 

• Mae’r Adran Gwasanaethau Cymdeithasol yn ystyried na fyddai’r datblygiad hwn yn darparu deilliannau da ar gyfer pobl ifanc.

 

• Roedd preswylwyr lleol wedi mynegi pryder ynghylch y math o broblemau a allai fod gan y plant a’r effeithiau andwyol posib ar yr ardal.

 

• Yn Hazeldene mae 20 eiddo gyferbyn â’r datblygiad arfaethedig sydd mewn cyferbyniad â’r cais sy’n honni nad oes ond ychydig gymdogion.

 

• Mae’r eiddo mewn dwy ran benodol, sef, y t? a’r garej flaenorol. Byddai rhai pobl ifanc yn cysgu yn y garej fyddai wedi’i haddasu tra cysgai'r lleill yn y t?. Dim ond dau aelod staff fyddai ar ddyletswydd yn ystod y nos, un ym mhob rhan o’r eiddo. Nid ymddangosai hyn fel trefniant cartref teulu normal, nac yn drefniant priodol i gwrdd ag amddiffyniad y plant bregus hyn.

 

• Nid yw Hazeldene yn eiddo addas ar gyfer cartref gofal preswyl.

 

• Mae Priory Group yn chwilio am gyfle busnes.

 

Amlinellodd Mr. J. Imber, asiant yr ymgeisydd,  a oedd yn mynychu’r cyfarfod ar wahoddiad y Cadeirydd, y pwyntiau canlynol:

 

 

• Mae’r cais yn ceisio newid defnydd i gartref gofal preswyl bychan gyda mwyafrif o chwe pherson ifanc yn byw yno ar yr un adeg. Dim gwahanol i gartref teulu mawr.

 

• Argymhellir amod gan y Swyddogion Cynllunio yn cyfyngu defnydd y safle’n unig ar gyfer y defnydd y gwneir cais amdano.

 

• Ni fydd y defnydd angen cyflenwadau masnachol na cherbydau mawr.

 

• Cofrestrir y cartref gan Gyngor Gofal Cymru a bydd yn ofynnol iddo gwrdd â gofynion rheoleiddiol llym.

 

• Caiff yr eiddo ei staffio bob amser gan gynnwys dau aelod staff ar ddyletswydd dros nos.

 

• Pobl ifanc ag awtistiaeth ac anawsterau dysgu eraill fydd y preswylwyr. Ni fydd unrhyw fygythiad i bobl sy;’n byw yn yr ardal leol. 

 

• Nid cartref i droseddwyr ifanc fydd hwn.

 

• Bydd gan y preswylwyr raglen addysg strwythurol ac fe fyddant yn aml i ffwrdd o’r cartref yn cael eu haddysgu neu’n ymgymryd â gweithgareddau hamdden.

 

• Cynhelir ymweliadau teuluol yn aml i ffwrdd o’r safle a byddant wedi’u trefnu ymlaen llaw.

 

• Mae’r cynnig yn unol â’r Cynllun Datblygu Lleol ac fe’i cefnogir gan Swyddogion Cynllunio.

 

• Mae Priory Group yn deall pryderon preswylwyr lleol ac mae wedi ceisio tawelu’u hofnau.

 

• Roedd sylwadau gan y cymydog agosaf wedi awgrymu eu bod yn ddifater ynghylch y cais.

 

• Nid yw’r profiad o safleoedd tebyg yn yr ardal yn ennyn pryderon megis y rhai a fynegwyd.

 

Amlinellodd yr Aelod lleol dros Lanfihangel Troddi, a oedd yn mynychu’r cyfarfod ar wahoddiad y Cadeirydd, y pwyntiau canlynol:

:

 

• Siaradai fel yr Aelod lleol ac fel yr Aelod Cabinet dros y Gwasanaethau Cymdeithasol, â chyfrifoldeb dros oedolion ynghyd â phlant.

 

• Amheuon dwys ynghylch y defnydd o’r eiddo hwn ac at y diben hwn.

 

• Mae asesiad o angen yn benodol iawn gan ei fod yn canolbwyntio ar anghenion unigolyn a’r deilliannau maent yn eu dymuno yw her fwyaf yr Awdurdod.

 

• Nod yr awdurdod yw darparu gofal ar gyfer pobl ifanc Sir Fynyw mor debyg i awyrgylch teuluol â phosib.

 

• Mae awdurdodau eraill yn gosod llawer o blant y tu hwnt i’w ffiniau i ymsefydlu mewn gofal preifat yn Sir Fynwy. Yn y rhan fwyaf o achosion ni chawn ein hysbysu o’r plant ifanc hyn pan gyrhaeddant ac yn aml ni ddown yn ymwybodol ohonynt tan i absenoldebau ddigwydd o’u lle preswyl.   Mynegwyd pryderon ynghylch diogelwch y bobl ifanc petaent yn dihengyd o’r cartref a mynd ar hyd yr heol brysur, gyflym, sef Heol y Comin.

 

• Cyfleusterau prin sydd ar gael yma yn y lleoliad hwn ac mae’n gwbl anaddas fel lleoliad ar gyfer cartref gofal preswyl.

 

Wedi ystyried adroddiad y cais a’r safbwyntiau a fynegwyd,  mynegodd yr Aelodau bryder nad oedd ond ychydig wybodaeth ynghylch canllawiau cynllunio i wneud penderfyniad gwybodus  parthed y cais. Cynghorodd y Pennaeth Cynllunio’r Aelodau y dylai’u penderfyniad fod yn seiliedig ar bolisïau’r Cynllun Datblygu Lleol y cyfeiriwyd atynt yn yr adroddiad ac ar ystyriaethau cynllunio pwysig, sy’n cynnwys amwynderau cymdogion a diogelwch y ffordd.

 

Mynegodd rhai Aelodau’u hamheuon ynghylch y cais ac roeddent yn cydymdeimlo â’r safbwyntiau a fynegwyd gan yr Aelod lleol, gan fod y cynnig yn agos at anheddau yno eisoes. Hefyd, mynegwyd pryder ynghylch y trefniadau trafnidiaeth a’r effaith a allai hyn ei gael ar y pentref. Roedd y Gwasanaethau Cymdeithasol wedi datgan nad oeddent yn cefnogi’r cais yn y lleoliad hwn. Ni fyddai gan y preswylwyr amwynderau digonol.

 

Fodd bynnag, ystyriodd Aelodau eraill, tra oeddent yn cydymdeimlo â’r safbwyntiau a fynegwyd, y byddai’n anodd gwrthod y cais ar sail cynllunio.

 

Cynigiwyd, felly, gan y Cynghorydd Sir R. Hayward ac eiliwyd gan y Cynghorydd Sir B. Strong ein bod o blaid gwrthod cais DC/2015/01303 am y rhesymau a fynegwyd yn gynt.

 

Wedi’r bleidlais, cofnodwyd y pleidleisiau canlynol:

 

 

O blaid gwrthod y cais                        -           5

Yn erbyn gwrthod y cais                     -           8

Atal pleidlais                                        -           0

 

Cariwyd y cynnig.

 

 

Penderfynasom fod cais DC/2015/01303 yn cael ei gymeradwyo yn amodol ar y tri amod, fel yr amlinellwyd yn yr adroddiad a bod nifer y bobl ifanc yr edrychir ar eu holau’n cael ei ychwanegu at amod 3.