Agenda item

Adolygu'r adroddiad arolygu diweddar.  

Cyflwynodd Jane Rodgers a Ben Anderson yr adroddiad sydd yn werthusiad perfformiad gan Arolygiaeth Gofal Cymru o’r gwasanaethau plant, sy’n amlygu’r cryfderau a’r meysydd gwella a ddynodwyd gan adroddiad yr arolwg. Dywedodd Ben Anderson, Arolygiaeth Gofal Cymru, fod yr arolwg yn gyffredinol gadarnhaol a bod tystiolaeth o ddatblygiad parhaus ar y gwasanaeth ers mis Chwefror. Dywedodd mai’r ffocws yn y dyfodol fyddai ar ymarfer ac ansawdd i sicrhau cydymffurfiaeth gyda dyletswyddau statudol ac i gasglu llais plant. Atebwyd cwestiynau yn fanwl gan Diane Corrister, ynghyd â Jane Rodgers a Ben Anderson.

Pwyntiau allweddol a wnaed gan Aelodau: 

• Gofynnodd aelodau sut mae arweinwyr y  cael mwy o drosolwg o ansawdd asesiadau a chynlluniau a nodwyd y caiff hyfforddiant, sicrwydd ansawdd a chymorth gweithredu eu darparu ar gyfer staff.
• Gofynnodd aelod am esboniad o’r model ymarfer newydd a’r Tîm Asesu Help Cynnar,

• Gofynnwyd am eglurdeb am ba welliannau a wneir i ddod ag arfer i fod yn unol â gweithdrefnau diogelu yng Nghymru.  

• Gofynnodd aelod arall am eglurdeb ar gydymffurfiaeth gyda gwaith papur ar gyfer cynadleddau amddiffyn plant a faint o eiriolaeth a gynigir i rieni cyn cynhadledd achos.

• Holodd y pwyllgor am y prif gryfderau a meysydd gwella a ddynodwyd yn adroddiad yr arolwg, gan nodi fod yr adroddiad wedi cydnabod fod y canlyniadau cadarnhaol a gyflawnwyd ar gyfer plant sy’n derbyn gofal, y cymorth cynnig teuluol ac ysbryd ac arweinyddiaeth o fewn y gwasanaeth yn gryfderau. Cydnabuwyd bod y meysydd i’w gwella yn cynnwys ymateb i a delio gydag effaith galw ar draws y gwasanaeth a gwneud yn si?r fod y gweithlu yn cyfateb gyda’r lefelau galw hynny.
• Gofynnodd aelodau am esboniad am sut mae’r tîm yn trin mater gofal a chapasiti gweithlu yn y gwasanaeth, er mwyn cadw staff a gostwng dibyniaeth ar weithwyr asiantaeth.

• Ceisiodd aelodau sicrhau y caiff llais plant ei gasglu mewn ffordd gyson ac ystyrlon ac yn dibynnu ar oedran y plentyn ac y caiff hynny wedyn ei ddangos mewn asesiadau a chynlluniau gofal.  

• Cyfeiriodd aelod at baragraff 4.8 yr adroddiad sy’n awgrymu ymagwedd ofalus at reoli risg, gan gwestiynu os y gall fod gwrthddweud oherwydd bod ein nifer o blant sy’n derbyn gofal yn is na’r cyfartaledd cenedlaethol. Eglurodd y swyddogion fod hyn i raddau oherwydd effaith galw ar y drws blaen, a bod angen i ymarfer seiliedig ar gryfderau fod yn fwy cyson ar draws pob maes o’r gwasanaeth.

• Gofynnodd aelodau am eglurdeb ar ganlyniadau’r gwasanaeth llwyfan ar gyfer iechyd emosiynol pobl ifanc.

• Holodd aelod arall am y cynnydd mewn atgyfeiriadau a hefyd atgyfeiriadau amhriodol a sut y gellid gostwng hyn, gan nodi y cynhelir dadansoddiad data ac archwilio arnynt ar hyn o bryd i ddeall y ffynonellau a’r rhesymau dros yr atgyfeiriadau. Gofynnodd aelodau am i adroddiad ar hyn ddod yn ôl atynt ar yr adeg priodol, gyda swyddogion yn cadarnhau y dylai hyn fod ar gael ar ôl mis Medi.

Gweithredu: Jane Rodgers a Diane Corrister.

• Dywedodd aelod fod y ddogfen trothwy yn cynorthwyo i drin yr cynnydd mewn ffigurau, a gofynnodd os yw’r tîm yn ymwneud gydag asiantaethau partner mewn ffordd a all ddeall a rhannu eu persbectif.

• Holodd aelodau sut mae’r atgyfeiriadau gan addysg ac iechyd yn cymharu gydag awdurdodau eraill yng Ngwent a beth fedrai fod yn fylchau posibl yn strwythurau cymorth yr asiantaethau hyn.

• Gofynnodd aelod am fwy o eglurdeb ar sut mae’r un pwynt mynediad yn gweithredu yn ymarferol ac os y gellid atgynhyrchu hyn mewn meysydd eraill.

• Cwestiynodd y pwyllgor amseroldeb yr ymweliadau amddiffyn plant a chynadleddau achos a amlinellir ym mharagraff 1.4 a gofynnodd os y sicrhawyd y gwelliant a ddymunir o ran sicrhau y cynhelir cynadleddau ar sail gynharach ac amserol.

• Gofynnodd aelodau am eglurdeb am rôl yr hyfforddydd a sut y byddai eu heffaith yn cael ei fesur.

• Eglurwyd y rhesymau am y gwahaniaeth yn nifer yr atgyfeiriadau a sut y caiff hynny ei reoli.
• Gofynnodd y pwyllgor os yw’r gwasanaeth wedi symleiddio eu prosesau i ddod yn fwy effeithlon.

• Gofynnodd aelod i swyddogion pa mor hyderus ydynt nad oes achosion heb fod ar radar Gwasanaethau Cymdeithasol. Dywedodd swyddogion y byddai’n naïf meddwl y byddai pob achos ar radar gwasanaethau cymdeithasol, ond eu bod yn hyderus bod y Cyngor yn gwneud mwy o or-ymyrryd na than-ymyrryd. Ychwanegodd swyddogion fod gan y Cyngor strwythurau da ar ddiogelu a hyfforddiant ar draws y sefydliad, ond na fedrent byth fod yn 100% hyderus y gallai achosion ddigwydd.
• Mae paragraff 2.10 yr adroddiad yn dweud fod ‘y rhan fwyaf o staff’ yn cael eu cefnogi. Gofynnwyd i Arolygiaeth Gofal Cymru am fwy o eglurdeb am hyn, beth yw’r rhesymau pam nad yw nifer fach o staff heb gael eu cynnwys ac os ydynt yn credu y cafodd arferion gwaith ers Covid effaith.

• Soniodd y pwyllgor ar ddefnydd acronymau ac y byddai rhestr termau yn ddefnyddiol, yn arbennig ar gyfer adroddiadau sydd yn y parth cyhoeddus.  

Gwnaeth yr Aelod Cabinet rai sylwadau cloi a roedd y pwyllgor yn fodlon gyda’r atebion i’r cwestiynau a ofynnwyd.

Crynodeb y Cadeirydd: 

Llongyfarchodd y pwyllgor y gwasanaeth ar yr arolwg cadarnhaol a’r sylwadau am arweinyddiaeth ac adborth gan blant a gofalwyr maeth. Cytunai’r cadeirydd fod y pwyllgor wedi cynnal craffu manwl ar yr adroddiad ynghyd ag aelodau’r Pwyllgor Craffu Perfformiad a Throsolwg ac roedd yn fodlon gyda chanlyniad yr arolwg.