Agenda item

Cyflwynwyd yr adroddiad gan yr Aelod Cabinet Ben Callard ac atebodd gwestiynau aelodau gyda Peter Davies, James Vale a Richard Jones. 

• Holodd Aelod sut mae’r strategaeth ddigidol yn alinio gyda’r strategaeth ariannol a strategaethau galluogi eraill. Yr esboniad a roddwyd oedd bod y strategaeth ddigidol yn cefnogi’r strategaeth ariannol drwy alluogi defnydd mwy effeithiol ac effeithlon o adnoddau, data a thechnoleg a drwy greu cyfleoedd newydd ar gyfer cynhyrchu incwm a thrawsnewid gwasanaethau. Dywedwyd ei bod hefyd yn alinio gyda strategaethau galluogi eraill drwy roi’r offer, sgiliau a diwylliant i sicrhau deilliannau gwell i’r sefydliad ac i’r gymuned.  

• Gofynnwyd cwestiynau hefyd am sut mae’r strategaeth ddigidol yn cyfarch y bwlch digidol ac yn sicrhau cynhwysiant digidol i’r holl breswylwyr a staff. Gofynnwyd cwestiwn pellach am ba anawsterau a ragwelir mewn annog y gweithlu i groesawu technolegau newydd a phrosesau a gaiff eu gyrru gan ddata. Ystyriwyd bod hyfforddiant a datblygu datrysiadau digidol rhwydd eu defnyddio a hygyrch yn allweddol i gyflawni hyn.  

• Bu trafodaeth am sut y bydd y strategaeth ddigidol yn mesur a gwerthuso ei heffaith a’i llwyddiant, yn ogystal â defnyddio data i lywio cynllunio a chyflenwi gwasanaeth.

• Gofynnodd aelodau sut mae’r strategaeth yn cefnogi cydweithio ac integreiddio gwasanaeth gydag awdurdodau lleol eraill a phartneriaid, yn arbennig o ran i ba raddau yr ydym yn cydweithio gydag Awdurdodau Lleol eraill, er mwyn sicrhau fod gennym seilwaith ddigidol gyffredin pe byddem yn ystyried gwasanaethau wedi eu hintegreiddio yn y dyfodol.  

• Gofynnwyd cwestiynau hefyd am sut mae’r strategaeth ddigidol yn meithrin diwylliant data a llythrennedd data ymysg staff, partneriaid a phreswylwyr. 

• Gofynnwyd cwestiwn arall am sut y bydd y strategaeth yn sicrhau dull gweithredu sy’n canolbwyntio ar ddefnyddwyr, gan roi ystyriaeth i anghenion a disgwyliadau preswylwyr. 

• Awgrymodd aelod bod angen gofal wrth wneud tybiaethau am p’un ai yw pobl h?n yn medru defnyddio llwyfannau digidol a chyfryngau cymdeithasol ac yn gwneud hynny. 

• Gofynnodd aelod hefyd os yw’r Asesiad Effaith Integredig yn cynnwys ynysigrwydd oherwydd y cynnydd yn y defnydd o dechnoleg.  

• Cyfeiriwyd at y cyflwyniad o’r Strategaeth Ariannol yn yr eitem agenda flaenorol a drafododd ddefnydd cynyddol o ddeallusrwydd artiffisial a dadansoddeg data, gofynnodd aelod os byddai’r Cyngor yn buddsoddi yn y setiau sgiliau hynny ac os oes ganddo’r gallu ariannol i wneud hynny ac os y byddai cwmpas ar gyfer benthyca ychwanegol os oes angen. 

• Soniodd aelod arall nad yw preswylwyr yn credu fod ap Fy Sir Fynwy yn rhwydd ei ddefnyddio. Hefyd, os yw’r ap yn cynnwys data gwarchodedig preswylydd, a ydym yn defnyddio’r data yma i gysylltu â nhw am ymgynghoriadau ar newid gwasanaeth, gan fod preswylwyr yn aml yn gofyn sut maent i fod i wybod am ymgynghoriadau sydd ar y gweill, os nad ydynt yn rhagweithol wrth geisio’r wybodaeth. Mae hyn yn ymddangos fel cyfle a gollir i ymgynghori gyda phreswylwyr.

• Gofynnwyd cwestiwn am sut i sicrhau fod y data a ddefnyddir gan swyddogion yn gyfredol.

Atebodd yr Aelod Cabinet a swyddogion yr holl gwestiynau a chynigiodd y Pwyllgor yr adroddiad a’i argymhellion, gan lunio’r casgliadau canlynol.

 Crynodeb y Cadeirydd: 

Diolch i swyddogion a’r Aelod Cabinet am ddod â’r Strategaeth Ddigidol i’r Pwyllgor oedd yn cefnogi ei gyfeiriad a hoffai dynnu sylw at y pwyntiau canlynol:

• Mae’n glir o’r adroddiad fod hyn yn fwy na dim ond y Cyngor yn casglu data ond hefyd am ei gwneud yn haws i breswylwyr gael mynediad i’n gwasanaethau. Os daw dulliau mynediad digidol yn rhwyddach, rhagwelwn y gall y galw amdanynt gynyddu, felly mae angen modelu hyn i sicrhau ein bod wedi rhoi ystyriaeth i  gynnydd mewn galw a bod adnoddau digonol yn yr hybiau cymunedol i gyflawni hyn.

• Fel cynghorwyr, mae gennym rôl i’w chwarae wrth bontio’r bwlch rhwng y Cyngor a phreswylwyr a gall hyn gynnwys esboniad a chymorth ond mae cyfeiriad at ymgysylltu cwsmeriaid yn ein trafodaethau a mae hynny’n galonogol.

• Mae aelodau hefyd wedi dweud y byddai’n fuddiol iddynt gael mwy o hyfforddiant ar lwyfannau digidol, ar ôl bod yn eu swyddi ers peth amser, felly caiff y cais ei drosglwyddo am fwy o hyfforddiant i aelodau ar lwyfannau digidol i’r Pwyllgor Gwasanaethau Democrataidd. (Gweithredu: Tîm Craffu)