Agenda item

Craffu ar sefyllfa gyllidebol (refeniw a chyfalaf) gwasanaethau sy’n syrthio o fewn cylch gorchwyl y pwyllgor ym Mis 5

Cyflwynwyd yr adroddiad gan yr Aelod Cabinet Ben Callard a Peter Davies ac atebwyd cwestiynau aelodau gyda Jonathan Davies, Frances O’Brien, Paul Griffiths, Jane Rodgers a Nikki Wellington. 

Cwestiynau Allweddol gan Aelodau: 

·        Sut y caiff cyfrifoldebau eu rhannu rhwng y ddau Aelod Cabinet dros Adnoddau?

·        Mae’r pwysau yn cynyddu ar ddarparu llety ar gyfer y digartref ac ymddengys fod y costau yn ymatebol – a oes cynlluniau i liniaru hyn a bod yn fwy rhagweithiol? – GWEITHREDU (rhoi data ar dueddiadau a gwybodaeth i aelodau ar safleoedd Gwely a Brecwast a Digartrefedd)

·        Mae diffygion mewn Gofal Cymdeithasol ac Iechyd oherwydd galw cymhleth a phlant gyda darpariaeth ADY – pa oblygiadau sydd yna ar gyfer defnyddwyr y gwasanaethau hyn a pha gynlluniau sydd yn eu lle i reoli’r ffactorau hyn?

·        Mae’r adroddiad yn sôn am darged o £550k o arbedion yn ymwneud â gofal iechyd parhaus (t22); rydym wedi cyflawni £141k ym Mis 5, felly’n brin o’r targed. A oes anghydbwysedd grym rhwng Cyngor Sir Fynwy a’r bwrdd iechyd?  A ydym yn gwneud digon i baratoi ein staff i herio’r bwrdd iechyd?

·        A fu’r gostyngiadau yn oriau angen gofal nas diwallwyd oherwydd fod gennym mwy o ofalwyr ac oriau wedi eu darparu neu a yw pobl a fyddai wedi bod yn gymwys am becynnau gofal yn y gorffennol wedi eu gwrthod? Os felly, a ydym yn methu gwasanaethu’r bobl fwyaf agored i newid.

·        Rydym yn clywed straeon fod pecynnau gofal llai yn mynd i baneli llawn, a bod gweithwyr cymdeithasol yn cael eu clymu am oriau mewn cyfarfodydd panel yn hytrach na bod ar y rheng flaen – a yw hynny yn wir?

·        A yw’r gorwariant o £111k yn gysylltiedig â pharc busnes Castle Gate yn golled wirioneddol?

·        Eitem 3.12, pam fu oedi wrth sicrhau adnoddau i’r tîm i gyrraedd y gostyngiad yn y targedau ynni a phryd fedrwn ni ddisgwyl gweld y gostyngiad? 

·        A yw’r diffyg mewn gostyngiad milltiroedd ac oedi wrth ymestyn y cynllun ceir cronfa yn cael ei drin yn awr?

·        Noder yng nghyswllt digartrefedd (t27), mae’n bwysig i bobl sy’n cael adferiad o ddibyniaeth i aros yn eu rhwydweithiau cefnogaeth

·        A fedrwn gael ein sicrhau na fydd gostyngiad yn y Grant Cymorth Tai ac na effeithir ar yr elusennau sy’n cael budd ohono, tebyg i Mind Sir Fynwy?

·        Beth yw’r arwydd diweddaraf ar debygrwydd dyfarnu grant o £1m nad yw yn y gyllideb?

·        Sut ydym yn dilyn lan ar gyllid gan Lywodraeth Cymru nad yw’n cael ei wireddu e.e. ar gyfer prydau ysgol am ddim i ysgolion cynradd?

·        Yng nghyswllt y Grant Cymorth Tai, a fyddai’n adeiladol anfon llythyr at gyfarwyddwr Llywodraeth Cymru yn tanlinellu pwysigrwydd gwybod beth yw dyraniad cyllid Cyngor Sir Fynwy cyn gynted ag sy’n bosibl? – GWEITHREDU

·        Mae’r rhagamcan o orwariant am wasanaethau yn £6.2m, caiff y gwaith adfer i ostwng hynny i bwysau o £124k ei ateb gan eitemau heb fod yn gysylltiedig â gwasanaeth, rhai ohonynt yn rhai ‘unwaith yn unig’ – a fyddem yn disgwyl i ganlyniad ddod ymlaen y gallwn edrych ato cyn y trafodaethau ar gyllideb y flwyddyn nesaf?

·        T8 o’r adroddiad clawr, arlwyo ysgolion, dynodir nad yw £2.90 fesul pryd bwyd yn ddigonol – beth yw’r union gost y byddem yn gofyn iddo gael ei gyllido’n ôl-weithredol gan Lywodraeth Cymru?

·        Mae balansau ysgolion 86% yn is yn ystod y flwyddyn – a yw hynny’n agoredrwydd sylweddol iawn ar gyfer y flwyddyn nesaf?

·        Dywedodd y Cadeirydd, os gall aelodau pwyllgor gyfrannu mewn unrhyw ffordd e.e. os gallai cydweithwyr o Fwrdd Iechyd Aneurin Bevan ymuno â ni am gyfarfod i ddeall sut maent yn gweithredu gofal iechyd parhaus a chynyddu dealltwriaeth, byddent yn hapus i wneud hynny.

Crynodeb y Cadeirydd: 

Diolch i’r Aelod Cabinet a swyddogion. Gofynnwyd i’r pwyllgor graffu ar ragamcan y gyllideb refeniw ar gyfer 23-24 hyd at Fis 5, i asesu os oes monitro effeithlon ar y gyllideb ac i ba raddau y caiff cyllidebau eu gwario o fewn y gyllideb a gytunwyd a’r fframwaith polisi, yn cynnwys rhesymoldeb yr esboniad dros amrywiadau, ac i ystyried cyflawni’r cynnydd i sicrhau targedau arbedion cyllideb. Rydym wedi gwneud hynny yn drwyadl a felly caiff yr adroddiad ei dderbyn.