Cofnodion:
Gwnaethom ystyried adroddiad y cais a gohebiaeth hwyr a argymhellwyd ar gyfer cymeradwyo gyda’r saith amod a amlinellir yn yr adroddiad.
Wrth wneud hynny, nodwyd y pwyntiau dilynol:
· Bu gwaith cloddio ar y safle a mynegwyd pryder y gall tir yng nghefn y safle yn awr fod yn ansefydlog gyda choed, tyfiant a cherrig wedi eu symud. Gellid bod angen ymchwilio hyn cyn ystyried cymeradwyo’r cais.
· Mynegwyd pryder y byddai maint y datblygiad arfaethedig yn arwain at orddatblygiad o’r safle, yn neilltuol pan mae cerbydau teithio ar y safle.
· Mae’r safle yn cyd-ffinio â Border Waste Crick. Ni roddwyd caniatâd cynllunio i’r safle hwn gan fod pryder am lithriad tir tuag at y draffordd.
· Mynegwyd pryder y gallai’r gwaith cloddio effeithio’n niweidiol ar ddiogelwch preswyl yr ymgeisydd a’i deulu gan y gallai fod potensial ar gyfer tirlithriad yn yr ardal.
· Roedd Cyngor Cymuned Matharn wedi edrych ar Bolisi Cynllunio H8 ac mae’n ystyried nad yw’r cais yn ateb gofynion y polisi. Ystyriwyd nad oedd y safle yn ddigon mawr i ddarparu ar gyfer y datblygiad arfaethedig gan arwain at orddatblygiad y safle. Ystyriwyd nad oedd y safle i gyd yn addas ar gyfer ei ddatblygu.
· Dan y polisi parcio, bydd y ddau gartref parc, fel yr unedau preswyl, angen pum lle parcio. Dylid bod angen ardal droi er mwyn galluogi cerbydau i adael y safle mewn gêr symud ymlaen wrth ymuno â’r briffordd.
· Mae amodau model carafán yn amlinellu’r angen am fwlch o chwe metr rhwng carafanau a chartrefi symudol oherwydd eu natur fflamadwy.
· Mae’r Awdurdod lleol wedi cynnal asesiad sipsiwn a theithwyr ac amlinellwyd fod angen wyth safle o amgylch y Sir.
· Mae’r safle mewn perchnogaeth breifat ac mae’r ymgeisydd ar gyfer y safle yn byw o fewn yr asesiad. Mae’r ymgeisydd wedi sefydlu bod angen canfod cartref o fewn y Sir. Byddai’r safle hwn yn darparu’r angen hwnnw.
· Edrychwyd ar y safle yn nhermau polisi H8 a sefydlwyd fod y datblygiad yn diwallu’r maen prawf hwnnw.
· Mae wedi ei leoli mewn lleoliad cynaliadwy.
· Ystyrir bod yr amwynder gweledol yn dderbyniol.
· Ymchwiliwyd yr agwedd diogelwch priffordd a dynodwyd fod gwelededd yn dda o’r safle.
· Yn nhermau maint arfaethedig y datblygiad ar y safle, os ystyrir ei fod yn orddatblygiad o’r safle, dywedodd yr ymgeisydd y byddai’n fodlon cael dim ond y ddau gartref parc ar y safle ar ei gyfer ei hun a’i fab, a fyddai’n ganiatâd personol iddo ef a’i deulu gael cartref o fewn y Sir.
· Yng nghyswllt y gwaith cloddio yng nghefn y safle, dywedodd yr ymgeisydd wrth yr Adran Cynllunio nad oedd wedi gwneud unrhyw waith oedd angen caniatâd cynllunio. Nid oedd angen caniatâd cynllunio ar gyfer symud coed a thirlunio. Fodd bynnag, os oes gan y Pwyllgor bryderon, gellid ychwanegu amod cyn-dechrau i sicrhau sefydlogrwydd a diogelwch y tir yng nghefn y safle.
· Dywedodd Adran Iechyd yr Amgylchedd y byddai angen trwydded carafanau.
· Mae hwn yn safle mewn perchnogaeth breifat.
· Byddai tynnu’r pedair carafán deithiol o’r cais yn lliniaru’r problemau am or-ddatblygiad y safle.
Cynigiodd y Cynghorydd Sir M. Feakins ac eiliodd y Cynghorydd Sir R. Harris gymeradwyo cais rhif DM/2019/01480 yn ddarostyngedig i’r saith amod a amlinellir yn yr adroddiad a’r amodau ychwanegol dilynol:
· Ail-ddisgrifio a thynnu cyfeiriad at garafanau teithio.
· Ychwanegu amod caniatâd personol.
· Bod y caniatâd ar gyfer dau gartref parc yn unig.
· Amodau tirlunio yn cynnwys dull amgáu.
· Amod yng nghyswllt gwiriad fod yr arglawdd i’r cefn (gogledd) yn sefydlog i alluogi datblygiad i fynd rhagddo.
Awgrymodd Aelodau hefyd gynnwys amodau ar gyfer Cynllun Rheoli Adeiladu ac ychwanegu amod i amlinellu bod y safle ar gyfer defnydd masnachol yn unig.
Amlinellodd swyddogion na fyddai angen cael cynllun rheoli adeiladu ar gyfer maint y datblygiad gan y byddai ar gyfer gosod dau gartref parc. Amlinellwyd hefyd bod amod i gyfyngu defnydd y safle ar gyfer preswyl yn unig yn ddiangen gan y byddai unrhyw ddefnydd arall yn groes i unrhyw ganiatâd cynllunio ac felly y gallai’r Cyngor gymryd unrhyw gamau gweithredu priodol i unrhyw ddefnyddiau na roddwyd caniatâd amdano.
Pan roddwyd y cynnig i bleidlais, cofnodwyd y pleidleisiau dilynol:
O blaid y cynnig - 9
Yn erbyn y cynnig - 0
Ymatal - 4
Cariwyd y cynnig.
Gwnaethom benderfynu cymeradwyo cais rhif DM/2019/01480 yn ddarostyngedig i’r saith amod a amlinellwyd yn yr adroddiad a’r amodau ychwanegol dilynol:
Amod am wiriad i sicrhau fod yr arglawdd i’r cefn (gogledd) yn sefydlog i alluogi datblygiad i fynd rhagddo.