Agenda and minutes

Nid oess unrhyw Ddatganiadau o Fuddiant.

Canllawiau ~ Fforwm Agored Cyhoeddus y Pwyllgor Dethol

Mae ein cyfarfodydd Pwyllgor Dethol yn cael eu ffrydio'n fyw a bydd dolen i'r ffrwd fyw ar gael ar dudalen gyfarfod gwefan Cyngor Sir Fynwy

Os hoffech rannu eich barn ar unrhyw gynigion sy'n cael eu trafod gan Bwyllgorau Dethol, gallwch gyflwyno eich sylwadau drwy ddefnyddio'r ffurflen hon

• Rhannwch eich barn drwy lanlwytho ffeil fideo neu sain (uchafswm o 4 munud);  neu
• Cyflwynwch sylwadau ysgrifenedig (drwy Microsoft Word, uchafswm o 500 gair)

Bydd angen i chi gofrestru ar gyfer cyfrif Fy Sir Fynwy  er mwyn cyflwyno'r ymateb neu ddefnyddio eich manylion mewngofnodi os ydych wedi cofrestru o'r blaen.

Y dyddiad cau ar gyfer cyflwyno sylwadau i'r Cyngor yw 5pm dri diwrnod gwaith clir cyn y cyfarfod. Os bydd y sylwadau a dderbynnir yn fwy na 30 munud, bydd detholiad o'r rhain, yn seiliedig ar thema, yn cael eu rhannu yng nghyfarfod y Pwyllgor Dethol.  Bydd yr holl sylwadau a dderbynnir ar gael i gynghorwyr cyn y cyfarfod.

Os hoffech fynychu un o’n cyfarfodydd i siarad dan y Fforwm Agored i’r Cyhoedd, bydd angen i chi roi tri diwrnod o hysbysiad i ni drwy gysylltu â Scrutiny@monmouthshire.gov.uk. Y cadeirydd sy’n penderfynu faint o amser a roddir i bob aelod o’r cyhoedd i siarad, ond i’n galluogi i roi cyfle i nifer o siaradwyr, gofynnwn nad yw cyfraniadau yn hirach na 3 munud.

Os hoffech awgrymu pynciau i un o'n Pwyllgorau Dethol graffu arnynt yn y dyfodol, gwnewch hynny drwy e-bostio Scrutiny@monmouthshire.gov.uk

Dywedodd y Cadeirydd fod llawer o gyflwyniadau/sylwadau wedi dod i law ac na fyddai'n bosibl eu darllen yn uchel yn y cyfarfod oherwydd y nifer sylweddol. Dywedodd fod cyflwyniadau ysgrifenedig a dderbyniwyd mewn da o bryd cyn y cyfarfod wedi'u rhannu â'r Pwyllgor, yr Aelod Cabinet a swyddogion, ac y byddai unrhyw gyflwyniadau a dderbyniwyd ers hynny, yn cael eu hanfon ymlaen at yr Aelod Cabinet a swyddogion i'w hystyried ymhellach.

Nododd y Cadeirydd ei bod wedi derbyn 15 cyflwyniad ysgrifenedig yn gwrthwynebu safle CS0270 yn y cynllun, a dau arall yn gwrthwynebu tir yn Heol Mounton a thir i'r gorllewin o Frynbuga, Penperllenni. Siaradodd tri Aelod o’r cyhoedd yn y cyfarfod am CS0270 gan godi nifer o bryderon:

·       Digonolrwydd seilwaith, sut y bydd cartrefi yn ddi-garbon pan nad yw'r datblygwr wedi ymrwymo iddo tan 2050, cynnydd posibl mewn gollyngiadau ffosffad sydd eisoes yn uwch na'r lefelau a ganiateir, cwestiynu a fydd digon o arian ar gael, gan ofyn pam na all y 270 o gartrefi gael eu hychwanegu at y Fenni, ac awgrymu ei fod yn rhy bell o ganol y dref ar gyfer cerdded neu feicio tra yn Y Fenni byddai’r cartrefi yn nes at yr orsaf drenau.

·        Nodwyd fod CS0270 yn safle arbennig o ystyried ei harddwch a'i leoliad, ei bwysigrwydd i'r ystlumod pedol mwyaf, ei welededd o'r Ardal o Harddwch Naturiol Eithriadol a'i agosrwydd at heneb gofrestredig, a gwrthwynebu colli tir amaethyddol o'r radd flaenaf – sy'n awgrymu Felly byddai CS0274 yn ddewis amgen gwell.

·        Codwyd pryderon am allyriadau traffig a monitro ansawdd aer yn Nhrefynwy, gan awgrymu bod y fethodoleg bresennol yn ddiffygiol a bod diffyg data digonol ar allyriadau gwirioneddol neu ragamcanol.

Diolchodd y Cadeirydd i'r cyhoedd am eu mewnbwn, drwy anfon cyflwyniadau ysgrifenedig a thrwy gyfrannu at y cyfarfod trwy'r Fforwm Agored i'r Cyhoedd. 

Craffu Cynllun Adnau y Cynllun Datblygu Lleol Newydd cyn i’r Cyngor ei gymeradwyo ar gyfer ymgynghoriad cyhoeddus.

Cyflwynodd yr Aelod Cabinet Paul Griffiths yr adroddiad - rhoddodd gyflwyniad, ac atebodd gwestiynau’r Aelodau gyda Craig O’Connor. Yn ei gyflwyniad o’r adroddiad, cydnabu’r Cynghorydd Griffiths y canlynol:

·        Tueddiadau Demograffig: Tynnodd sylw at y dirywiad mewn poblogaethau oedran ysgol ac oedran gweithio yn Sir Fynwy, yn cyferbynnu â'r twf yn y boblogaeth dros 65 oed, gan bwysleisio'r angen i wrthdroi'r tueddiadau hyn i gynnal cymunedau cynaliadwy.

·        Tai a Fforddiadwyedd: Pwysleisiodd y pwysigrwydd o gynyddu'r cyflenwad o dai, yn enwedig tai fforddiadwy, i gadw pobl ifanc yn y sir, gan amlygu na all 50% o'r boblogaeth fforddio prynu tai ar y farchnad agored, gan olygu bod angen lefel uchel o dai fforddiadwy yn y cynllun.

·        Cynigion y Cynllun: Amlinellodd y cynllun i ddarparu 2000 o gartrefi newydd dros 15 mlynedd, gyda 50% yn dai fforddiadwy, gan egluro y byddai 660 o'r rhain yn dai cymdeithasol i'w rhentu, gyda 330 yn opsiynau perchentyaeth cost isel.

·        Tir Cyflogaeth: Trafododd y ddarpariaeth o 48 hectar o dir cyflogaeth i gefnogi twf swyddi a mynd i'r afael â'r diffyg tir ar gyfer ehangu busnes.

·        Cynaliadwyedd a Seilwaith: Pwysleisiodd y bydd cartrefi newydd o fewn pellter cerdded i aneddiadau presennol, yn ddi-garbon net, ac yn cael eu cefnogi gan y seilwaith angenrheidiol.

·        Gweledigaeth Gyffredinol: Eglurodd mai nod y cynllun yw creu cymunedau iau, mwy cynaliadwy drwy ddarparu tai priodol a chyfleoedd gwaith, tra'n gwarchod yr amgylchedd, a chefnogi canol trefi presennol.

Diolchodd y Cadeirydd i'r Aelod Cabinet am gyflwyno'r adroddiad ac aeth ymlaen i dderbyn cwestiynau a phwyntiau allweddol gan y Pwyllgor, gydag atebion yn cael eu rhoi gan yr Aelod Cabinet a’r swyddogion.

Cwestiynau a phwyntiau allweddol a godwyd gan y Pwyllgor:?     

·        Gofynnodd Aelod, mewn perthynas â safle ymgeisiol CSO270, beth fyddai effaith y mewnlifiad o drigolion yn deillio o'r safleoedd treigl o'r CDLl blaenorol o 280 o gartrefi, a sut y byddai hyn yn effeithio ar nifer y cerbydau ar y ffyrdd.

 Fe'u hysbyswyd bod y tîm polisi cynllunio wedi adolygu'r safleoedd ac wedi ystyried yr effaith ar y seilwaith presennol a bod safle Heol Dixton wedi'i nodi fel yr opsiwn mwyaf priodol a chynaliadwy.

·        Gofynnwyd a oedd y safle cyflogaeth ymgeisiol 5.8 hectar yn ddigon i ddarparu digon o gyfleoedd cyflogaeth i’r rhai sy’n byw yn y cartrefi newydd, er mwyn i drigolion Trefynwy gyflawni’r maen prawf o fyw bywydau cynaliadwy. Mynegodd yr Aelod ei bryderon ynghylch gwaethygu tagfeydd ffyrdd ymhellach.

Fe'u hysbyswyd bod 4.5 hectar o dir cyflogaeth wedi'i ddyrannu ar safle Heol Wonastow, ac y dylai hyn greu swyddi o fewn yr ardal i gydbwyso'r tai.

·        Gofynnodd Aelod sut mae Trefynwy yn gymwys fel datblygiad cynaliadwy o ystyried y diffyg difrifol mewn cysylltiadau trafnidiaeth gyhoeddus

 Fe'u hysbyswyd bod safle wedi'i ddyrannu i Drefynwy i gadw'r gymuned yn gynaliadwy a sicrhau demograffeg gytbwys. Cadarnhaodd hefyd fod y datrysiad ffosffadau strategol ar gyfer Trefynwy yn galluogi datblygu cynaliadwy.

·        Gofynnodd Aelod pam nad yw’r strategaeth trafnidiaeth leol wedi’i chynnwys yn y CDLlA a pham nad yw asesiadau trafnidiaeth yn cael eu cynnal tan  ...  view the full Cofnodion text for item 3.

Nodwyd y Rhaglen Gwaith i'r Dyfodol a byddai'r amserlenni ar gyfer yr Adolygiad Parcio yn cael eu hegluro.

Nodwyd y cynllun.  

11 Gorffennaf 2024

24 Gorffennaf 2024 (Arbennig)

3 Medi 2024 (Arbennig)

·        11eg Gorffennaf 2024

·        24ain Gorffennaf 2024 (Arbennig)

·        3ydd Medi 2024 (Arbennig)

Cadarnhawyd y cofnodion - cynigiwyd gan y Cynghorydd Lucas ac eiliwyd gan y Cynghorydd Wright.

Cadarnhawyd fel 7fed Tachwedd 2024