Agenda and minutes

Cynigiwyd y Cynghorydd Watts gan y Cynghorydd Bond ac eiliwyd hyn gan y Cynghorydd Kear.

Cynigiwyd Cynghorydd Jones gan y Cynghorydd Rooke ac eiliwyd hyn gan y Cynghorydd Bond.

Nid oedd unrhyw Ddatganiadau o Fuddiant.

Canllawiau ~ Fforwm Agored Cyhoeddus y Pwyllgor Dethol

Mae ein cyfarfodydd Pwyllgor Dethol yn cael eu ffrydio'n fyw a bydd dolen i'r ffrwd fyw ar gael ar dudalen gyfarfod gwefan Cyngor Sir Fynwy

Os hoffech rannu eich barn ar unrhyw gynigion sy'n cael eu trafod gan Bwyllgorau Dethol, gallwch gyflwyno eich sylwadau drwy ddefnyddio'r ffurflen hon

• Rhannwch eich barn drwy lanlwytho ffeil fideo neu sain (uchafswm o 4 munud); neu
• Cyflwynwch sylwadau ysgrifenedig (drwy Microsoft Word, uchafswm o 500 gair)

Bydd angen i chi gofrestru ar gyfer cyfrif Fy Sir Fynwy er mwyn cyflwyno'r ymateb neu ddefnyddio eich manylion mewngofnodi os ydych wedi cofrestru o'r blaen.

Y dyddiad cau ar gyfer cyflwyno sylwadau i'r Cyngor yw 5pm dri diwrnod gwaith clir cyn y cyfarfod. Os bydd y sylwadau a dderbynnir yn fwy na 30 munud, bydd detholiad o'r rhain, yn seiliedig ar thema, yn cael eu rhannu yng nghyfarfod y Pwyllgor Dethol.  Bydd yr holl sylwadau a dderbynnir ar gael i gynghorwyr cyn y cyfarfod.

Os hoffech fynychu un o'n cyfarfodydd i siarad dan y Fforwm Agored i'r Cyhoedd, bydd angen i chi roi tri diwrnod o hysbysiad i ni drwy gysylltu â Scrutiny@monmouthshire.gov.uk.Y cadeirydd sy’n penderfynu faint o amser a roddir i bob aelod o’r cyhoedd i siarad, ond i’n galluogi i roi cyfle i nifer o siaradwyr, gofynnwn nad yw cyfraniadau yn hirach na 3 munud.

Os hoffech awgrymu pynciau i un o'n Pwyllgorau Dethol graffu arnynt yn y dyfodol, gwnewch hynny drwy e-bostio Scrutiny@monmouthshire.gov.uk

Ni dderbyniwyd unrhyw gyflwyniadau.?

Gwahodd Safonau Masnach i drafod eu gwaith i fynd i'r afael â fepio anghyfreithlon. Cyflwyniad a thrafodaeth (dim adroddiad).  

Cafwyd cyflwyniad gan Gareth Walters a Rachel Calnan ar fater fepio  anghyfreithlon, ei effaith ar ieuenctid, rôl safonau masnach, ac ymdrechion i frwydro yn erbyn y broblem. Wedi hynny, atebwyd cwestiynau’r Aelodau gyda John Crandon:

Pwyntiau allweddol a godwyd gan yr Aelodau: 

• Gofynnodd yr Aelodau pa ganran sy'n cael ei brynu ar-lein. Cafwyd trafodaeth ynghylch sut y gall lleygwyr wahaniaethu rhwng fepio cyfreithlon ac anghyfreithlon mewn siopau, gan ganolbwyntio ar nodi cynhyrchion sy'n cydymffurfio.
• Trafododd y Pwyllgor a oes unrhyw dystiolaeth bod hon yn broblem sy'n dod i'r amlwg ar lefel ysgol gynradd.
• Roedd pryder nad yw rhai pobl ifanc yn cael digon o wybodaeth am y niwed i iechyd y gall fepio ei achosi ac efallai nad yw hynny’n ddigon o dystiolaeth bod fepio yn broblem iechyd i fod yn ataliad.
• Amlygodd Aelod fod gyrwyr yn fepio  a diogelwch ffyrdd hefyd yn bryder.
• Gofynnodd yr Aelodau pa mor amlwg yw gwerthiannau anghyfreithlon a sut y gallai Aelodau ei weld. Gofynnwyd a oes unrhyw fannau problemus ar gyfer gwerthiannau fepio anghyfreithlon yn Sir Fynwy a sut y gall trigolion adrodd am werthiannau o'r fath a beth yw'r broses i drigolion adrodd am bethau.
• Roeddent hefyd yn gofyn am eglurhad ar yr ymdrechion addysgol yngl?n â risgiau iechyd a ddaw o fepio.
• Mynegodd Aelod ddiddordeb yn y rheolaethau dros werthu teclynnau fepio ar y rhyngrwyd, effeithiolrwydd rheolaethau mewnforio, a tharddiad gweithgynhyrchu fepio a beth yw'r rheoliadau. Er enghraifft, o ran ychwanegu TCH, sut mae atal hynny?
• Awgrymodd yr Aelod hefyd y dylid gwella'r modd y mae gwybodaeth am sesiynau anwedd ar-lein yn cael eu lledaenu.
• Holodd yr Aelodau beth sy'n digwydd os bydd trosedd yn digwydd eto a pha mor hir y mae rhywun yn cael ei roi i newid ei ffyrdd cyn bod erlyniad ac a fu unrhyw erlyniadau.
• Gofynnodd yr Aelodau a yw cynhyrchion newydd yn cael eu cyflwyno'n barhaus i osgoi'r ddeddfwriaeth ac felly sut yr ydym yn cadw ar ben y diwydiant, nid dim ond y gwerthwyr.
• Gofynnodd Aelod am y cyswllt gyda'r Comisiynydd Heddlu a Throsedd newydd ac a oes perthynas dda rhwng safonau masnach a'r heddlu, a sut mae'n gweithredu ar sail ymarferol.
• Gofynnodd yr Aelodau am gyfleoedd i gael rhieni ac Aelodau i gyfathrebu'n ehangach.
• Mynegodd yr Aelodau eu pryderon ynghylch y broblem gynyddol o fepio  anghyfreithlon, yn enwedig ymhlith plant a phobl ifanc, sy'n arwain at ddibyniaeth ar nicotin a phroblemau iechyd, yn enwedig presenoldeb nicotin mewn cynhyrchion sydd wedi'u labelu fel rhai di-nicotin.
• Gofynnodd yr Aelodau sut mae ysgolion, yr heddlu, a thimau diogelwch cymunedol yn gweithio mewn partneriaeth i fynd i'r afael â'r mater. Trafodwyd hefyd ddatblygiad adnoddau addysgol ac ymgyrchoedd i godi ymwybyddiaeth ymhlith pobl ifanc a rhieni.
• Gofynnodd yr Aelodau am ddeddfwriaeth newydd a allai reoleiddio fepio yn fwy llym a'u halinio â chynhyrchion tybaco a chlywsant fod angen parhau i fod yn wyliadwrus ac addasu i ddatblygiadau newydd yn y farchnad. Amlygodd yr Aelodau fod y mater yn gymhleth a chawsant eu cysuro bod dull amlochrog yn  ...  view the full Cofnodion text for item 5.

Cytunodd yr Aelodau i anfon syniadau drwy e-bost. Cafwyd cais bod swyddogion perthnasol y Cyngor yn bresennol pan gyflwynir Iechyd Meddwl. Cafwyd cadarnhad y bydd gweithdy Aelodau (nad yw'n cael ei ffrydio'n fyw) gan y Pwyllgor ar Reilffyrdd Sirol yn cael ei drefnu ar gyfer yr Hydref.

Nodwyd hyn.  

Cadarnhawyd y cofnodion a chynigiwyd hyn gan y Cynghorydd Rooke ac eiliwyd hyn gan y Cynghorydd Howells.

14eg Hydref 2024 am 10.00am.