Agenda

Yng nghyfarfod y Cyngor ym mis Mehefin cytunwyd rhoi cynlluniau a rhaglen weithredu ar waith i fynd i'r afael â diogelwch cerddwyr, seiclwyr a modurwyr, a holl ddefnyddwyr ffordd arall ar hyd y B4245 rhwng Cil-y-coed a Magwyr. A fedrir rhoi diweddariad ar baratoadau a wnaed ers mis Mehefin?

Ers y cyfarfod hwnnw bu damwain arall ddifrifol iawn, gan adael seiclwr mewn cyflwr difrifol iawn.

Rwyf felly yn cynnig creu rhaglen gyfalaf gyda chost o £300k o leiaf (yn seiliedig ar gostiad 2012) gyda chyllid yn cael ei ddwyn ymlaen i hyrwyddo'r angen i gynnal y rhaglen weithredu.

Bod y Cyngor hwn yn mynegi siom enfawr fod y weithrediaeth Geidwadol wedi methu darparu 'Strategaeth Trechu Tlodi' ac yn gofyn bod y Cabinet yn datbygu cynllun ac yn ei gyhoeddi cyn gynted ag sydd modd.

Bod y Cyngor hefyd yn cyhoeddi dogfennau atodol megis 'Cynllun Fframwaith Darpariaeth' a 'Chanllaw i Ddeall a Diffinio Tlodi yn Sir Fynwy'.

A fyddai Arweinydd y Cyngor yn dweud os gwelir yn dda os yw'n teimlo'n hapus gyda chanlyniadau pryderon preswylwyr Sir Fynwy ynghylch cynllun ffordd A465 Blaenau'r Cymoedd a weithredir gan Lywodraeth Cymru ac a gontractwyd i gael ei hadeiladu a'i dylunio gan Costains Group ccc.

A all Arweinydd y Cyngor yn rhoi diweddariad ar ail gam WelTAG, sy'n datblygu achos am ffordd osgoi ar gyfer Cas-gwent?

A all yr Aelod Cabinet dros Ofal Cymdeithasol roi diweddariad ar ymateb yr awdurdod i benderfyniad polisi Llywodraeth Cymru o osod targedau i ostwng nifer y plant mewn gofal?

A wnaiff yr Aelod Cabinet edrych ar y rheolau am ddyfarnu trwyddedau i fasnachwyr symudol a stondinau ar strydoedd trefi ac ardaloedd amwynder. Mae perchnogion siopau ein trefi yn talu trethi busnes uchel am eu safleoedd. Oni ddylem fod yn eu cefnogi gan mai nhw yw asgwrn cefn y trefi.

Maent hefyd yn gorfod masnachu ar amserau tawel yn ogystal â gwyliau banc a dylent fedru manteision ar y dyddiau gwell.

Roeddwn yn credu fod gennym bolisi lle na ddylid caniatau i unrhyw unedau symudol neu stondinau mewn strydoedd preswyl lle mae siopau preswl yn gwerthu nwyddau a gwasanaethau tebyg.

Mae Cyngor Sir Fynwy wedi buddsoddi llawer iawn o arian i wella'r ardaloedd amwynder a chreu parthau i gerddwyr yn unig. Er enghraifft, mae Sgwâr Sant Ioan yn y Fenni yn lle i bobl eistedd, ymlacio a mwynhau naws yr ardal. Mae digonedd o gaffes a bwytai cyfagos i ddarparu lluniaeth iddynt, heb i faniau byrgyr mawr yn cymryd rhan fawr o'r sgwâr a mynd â busnes oddi ar y safleoedd preswyl. Hefyd mae'r faniau hyn yn gofyn am i drydan gael ei gyflenwi. Rhowch gyfle teg i'n masnachwyr preswyl.

Iawn, mae gennym stondinau bwyd o bob math yn ystod yr ?yl Fwyd ond digwyddiad unigol yw hynny.

Byddai'n gwrtais ac yn synhwyrol ymgynghori â Chynghorwyr lleol pan ofynnir i Gyngor Sir Fynwy am drwyddedau o'r fath..

A all yr Aelod Cabinet ddiweddaru'r Cyngor ar effaith y cynnig ar Newid Hinsawdd ar holl brosesau gwneud penderfyniadau yn y Cyngor?