Agenda and minutes

Nid oedd unrhyw Ddatganiadau o Fuddiant.

Canllawiau ~ Fforwm Agored Cyhoeddus y Pwyllgor Dethol

Mae ein cyfarfodydd Pwyllgor Dethol yn cael eu ffrydio'n fyw a bydd dolen i'r ffrwd fyw ar gael ar dudalen gyfarfod gwefan Cyngor Sir Fynwy

Os hoffech rannu eich barn ar unrhyw gynigion sy'n cael eu trafod gan Bwyllgorau Dethol, gallwch gyflwyno eich sylwadau drwy ddefnyddio'r ffurflen hon

• Rhannwch eich barn drwy lanlwytho ffeil fideo neu sain (uchafswm o 4 munud);  neu
• Cyflwynwch sylwadau ysgrifenedig (drwy Microsoft Word, uchafswm o 500 gair)

Bydd angen i chi gofrestru ar gyfer cyfrif Fy Sir Fynwy  er mwyn cyflwyno'r ymateb neu ddefnyddio eich manylion mewngofnodi os ydych wedi cofrestru o'r blaen.

Y dyddiad cau ar gyfer cyflwyno sylwadau i'r Cyngor yw 5pm dri diwrnod gwaith clir cyn y cyfarfod. Os bydd y sylwadau a dderbynnir yn fwy na 30 munud, bydd detholiad o'r rhain, yn seiliedig ar thema, yn cael eu rhannu yng nghyfarfod y Pwyllgor Dethol.  Bydd yr holl sylwadau a dderbynnir ar gael i gynghorwyr cyn y cyfarfod.

Os hoffech fynychu un o’n cyfarfodydd i siarad dan y Fforwm Agored i’r Cyhoedd, bydd angen i chi roi tri diwrnod o hysbysiad i ni drwy gysylltu â Scrutiny@monmouthshire.gov.uk. Y cadeirydd sy’n penderfynu faint o amser a roddir i bob aelod o’r cyhoedd i siarad, ond i’n galluogi i roi cyfle i nifer o siaradwyr, gofynnwn nad yw cyfraniadau yn hirach na 3 munud.

Os hoffech awgrymu pynciau i un o'n Pwyllgorau Dethol graffu arnynt yn y dyfodol, gwnewch hynny drwy e-bostio Scrutiny@monmouthshire.gov.uk

Dim.

Craffu cynnwys y strategaeth.

Cyflwynodd yr Aelod Cabinet Angela Sandles a David Jones yr adroddiad ac ateb cwestiynau’r aelodau gyda Jane Rodgers.

Pwyntiau allweddol a godwyd gan yr Aelodau:

• Roedd yr arolwg diwethaf yn 2019 - a fyddwn yn cynnal un arall yn fuan i gadw'r ddogfen yn berthnasol? –  CAM GWEITHREDU: swyddogion i geisio eglurder gan Lywodraeth Cymru ynghylch cyhoeddi arolwg arall, ac unrhyw ganllawiau penodol ar ei gyfer
• Mae’r cynllun Mae Bechgyn Angen Biniau yn cael ei gyflwyno ac mae’n dda i weld hyn a thoiledau'n dod yn Stoma-gyfeillgar – a oes mwy o fanylion erbyn pryd y bydd y mesurau hyn yn cael eu cyflawni? Beth fydd y costau yn y pendraw?
• A ellid defnyddio peth o'r grant o £17,200 a grybwyllir yn 15.3 ar gyfer gweithredu hyn?
• A fydd y cyfleusterau toiledau a restrir ar y we yn dangos y bydd y biniau nawr ar gael, gyda rhai yn gyfeillgar i Stoma, ac ati? – CAM GWEITHREDU: i gael y wybodaeth ddiweddaraf am doiledau’r A40, ac i roi’r wybodaeth ddiweddaraf i aelodau
• Gan nodi pwysigrwydd yr arwyddion dwyieithog, a ydym yn siomi'r trigolion Saesneg eu hiaith drwy beidio â'u harddangos yn y cyfamser? A all hynny fod yn rhan o'r Cynllun Gweithredu?
• A ellir diwygio 1.13 yn y strategaeth i ddweud, ‘bydd toiledau neillryw bob amser yn cael eu darparu’ a ‘darpariaeth i’r ddau ryw yn cael ei hystyried pan fydd newidiadau’n cael eu gwneud i gyfleusterau presennol mewn ymgynghoriad llawn â rhanddeiliaid’?

• Mae problem yngl?n â mannau diogel, a gellid camddehongli’r pwynt bwled hwnnw i ddweud ein bod yn mynd i newid pob toiled i gyfleusterau neillryw, a byddai nifer o bobl yn teimlo’n anghyfforddus yn mynd i mewn i doiledau oedd â chyfleusterau ymolchi a rennir a oedd yn gaeedig – ac felly, mae angen pwynt bwled arall hefyd sy'n dweud 'bydd darpariaeth neillryw hefyd yn ddrws sengl y gellir ei gloi i'r nenfwd gyda chyfleusterau golchi wedi'u hamgáu yn agor allan i fannau cyhoeddus diogel, naill ai'n fewnol neu'n allanol.' – CAM GWEITHREDU: Y Cynghorydd Brown i rhoi awgrymiadau geiriad amgen i swyddogion
• Sylwch nad yw’r Map Toiledau Cenedlaethol yn rhoi unrhyw wybodaeth benodol am doiledau mewn lleoliad penodol e.e. Cas-gwent.
• A fyddai aelodau yn agored i ffurfio gweithgor i edrych ar y strategaeth, fel y gwnaed yn flaenorol? – CAM GWEITHREDU: aelodau i drafod y cyfeiriad i'w gymryd y tu allan i'r cyfarfod, a pha aelodau fydd yn cymryd rhan
• A allwn ni gael adborth gan ein glanhawyr?
• A yw Cynghorau Tref yn gyfrifol am drefnu archwiliadau Iechyd yr Amgylchedd neu a ydynt yn mynd drwy'r awdurdod lleol? Oes rhaid i'r archwiliadau gael eu hariannu gan y Cynghorau Tref?
• Mae ymateb o 5% gan Gyngor Tref Cil-y-coed yn siomedig iawn. A fyddai strategaeth flynyddol ar gyfer ymatebion yn syniad da?
• Mae llawer i'w ddysgu gan Gyngor Tref y Fenni a'r arolygon gwasanaeth a gynhaliwyd ganddynt
• CAM GWEITHREDU: adrodd yn ôl bod angen gwella'r Gymraeg yn y Map Toiledau Cenedlaethol
• Mae mater arwyddion Cymraeg yn syndod:  ...  view the full Cofnodion text for item 3.

Nododd y Cynghorydd Brown fod Cynllun Adnau’r CDLlA wedi’i ohirio o’r blaen, a mynegodd bryder y gellid colli’r cyfle iddo ddod i’r pwyllgor, ac y gallai’r ymgynghoriad ddigwydd yn ystod gwyliau’r ysgol, na fydd yn amser effeithiol. Sicrhaodd swyddogion yr aelodau eu bod mewn trafodaethau am yr amserlenni terfynol, ac y bydd yn dod i gyfarfod mis Mai, Gorffennaf neu fis Medi yn dibynnu ar bryd y pennir dyddiad y Cyngor – CAM GWEITHREDU: Y Cadeirydd i gysylltu â'r Cynghorydd Griffiths a'r Pennaeth Creu Lleoedd i sicrhau eglurder ynghylch yr amserlenni

Cytunwyd ar y cofnodion – cynigiwyd gan y Cynghorydd Thomas ac eiliwyd hyn gan y Cynghorydd Lucas.