Dywedodd adroddiad Cyngor Sir Fynwy i'r Pwyllgor Craffu Lle ym mis Tachwedd fod ward Llandeilo Gresynni yn y 10% gwaethaf o ardaloedd yn y DU gyfan pan mae'n dod at lawer o fesurau cysylltedd band eang. Nid yw dros 12% o'i haelwydydd yn gallu cael unrhyw fand eang o safon (o'i gymharu â 0.3% ar gyfer y DU, 0.8% i Gymru a 2.5% yn Sir Fynwy). Mae llai na hanner y cartrefi yn gallu cael Band Eang Cyflym Iawn (dros 30Mbs), o'i gymharu â 76.3% i Gymru’n gyffredinol.  Dim ond 15% sy'n gallu cael y cysylltedd gigabit diweddaraf, er bod gan Lywodraeth y DU darged i fand eang gigabit fod ar gael ledled y DU erbyn 2030, gyda tharged o 85% erbyn 2025.

Mae diffyg mynediad at fand eang o safon yn cael effaith niweidiol ddifrifol ar ffermydd, llety twristaidd a busnesau gwledig eraill, yn ogystal â chyfyngu ar gyfleoedd i drigolion cefn gwlad weithio o gartref. Mae ein heconomi wledig a bywyd cymunedol yn dioddef o'r herwydd.

Gan fod Cysylltedd Band Eang yn rhan o bortffolio'r cabinet, pa gamau y bydd y Cynghorydd Griffiths yn eu cymryd (a phryd fydd yn eu cymryd) i sicrhau bod pob preswylydd a busnes yn ward Llandeilo Gresynni yn gallu cael band eang cyflym iawn a chyflymder Gigabit cyn gynted â phosibl?

Rwy'n siarad ar ran trigolion ward Wyesham sy'n dibynnu'n helaeth ar Bont Gwy er mwyn cael mynediad i'r byd tu hwnt, waeth beth fo'u dull teithio.  Bu’n rhaid i breswylwyr wynebu wyneb ffordd sydd wedi dirywio’n ddifrifol ar y bont am gyfnod hir, gydag atebion cyflym yn para ychydig o amser, a’r tarmac meddal yn gwthio’n gyflym ar y palmentydd gan achosi problemau i gerddwyr, beicwyr a gyrwyr fel ei gilydd.

Rwy'n deall bod gwaith i wella'r bont ar y gweill ond rydym yn gofyn am sicrwydd y bydd gwelliannau'n digwydd yn y flwyddyn ariannol nesaf, ac rwy'n edrych atoch i roi rhywfaint o dawelwch meddwl i'r gymuned drwy ddarparu graddfa amser i ni ar gyfer y gwaith hwn.

A fyddai'r Aelod Cabinet yn esbonio pam nad yw'r adolygiad o ddalgylchoedd ysgolion cynradd a addawyd ar gyfer Hydref 2022 wedi dechrau eto?

A fyddai'r Dirprwy Arweinydd yn rhoi ymrwymiad i flaenoriaethu buddsoddi mewn seilwaith allweddol yn ardal Cas-gwent cyn cyflawni'r CDLlA, gan gynnwys gwelliannau i gylchfan Highbeech a'r M48, cynlluniau teithio llesol a ffordd osgoi Cas-gwent?