Agenda

Pam ydy’r Cyngor Sir yn cefnogi cynllun datblygu arfaethedig, hynny yw Coridor yr M4 o gwmpas Casnewydd a fydd, os yw’n caei ei gymeradwyo, yn dinistrio cymeriad ac amgylchedd Llanfihangel Rogiet, ardal sydd wedi’i phenodi gan y Cyngor hwn fel Ardal Gadwraeth ac sydd wedi’i rhestri felly yn y Cynllun Datblygu Lleol Mabwysiedig?  Ydy e'n ymwybodol bod "Ardaloedd Cadwraeth wedi'i adnabod yn eang fel un o feysydd allweddol twristiaeth ac amwynder y Sir, ni ellir dod â’r asedau hyn yn ôl a gall unrhyw effaith niweidiol iddynt cael effaith diwylliannol, amgylcheddol a chymdeithasol sylweddol ac felly mae'n angenrheidiol eu bod yn cael eu cadw a'u hehangu lle bo’n bosib?     “  Ydy e hefyd yn ymwybodol os yw’r cynllun traffordd arfaethedig yn cael ei gymeradwyo bydd yn groes i bolisi’r Cyngor ar “Datblygu mewn Ardaloedd Cadwraeth” ac yn enwedig polisi HE1 sy’n mynegi:-

“Polisi HE1 – Datblygu mewn Ardaloedd Cadwraeth

O fewn Ardaloedd Cadwraeth, dylai cynigion datblygu, lle bo’n briodol, rhoi sylw i’r Arfarniad Ardal Gadwraeth am yr ardal yna a byddant yn cael eu caniatáu os:

a) ydynt yn diogelu neu’n gwella cymeriad neu olwg yr ardal a’i lleoliad tirlun;

b) nad ydynt yn cael unrhyw effaith anffafriol sylweddol ar olygfeydd arwyddocaol i mewn ac allan o’r Ardal Gadwraeth; 

c) nad ydynt yn cael unrhyw effaith anffafriol sylweddol ar olygfeydd arwyddocaol o fewn yr ardal a chymeriad cyffredinol a golwg y strydlun a thoeau;

d) ydynt yn defnyddio deunyddiau sy’n briodol i'w lleoliad a chyd-destun sy’n diogelu neu’n gwella cymeriad neu olwg yr Ardal Gadwraeth; ac 

e) yn talu sylw arbennig i leoliad yr adeiladau a'i ardaloedd agored."

A sut all Arweinydd y Cyngor gyfiawnhau niwed mor anghyfiawn, anadferadwy a pharhaol i’r ardal yna?