Manylion y penderfyniad

Cytuno i flaenoriaethu gweithgaredd adfywio ledled y Sir a chymeradwyo'r cyflwyniad Grant Creu Lleoedd arfaethedig ar gyfer 2021/22 o £791,429 a wnaed o dan gyllid Trawsnewid Trefi Llywodraeth Cymru, a chymeradwyo'r rhaglen ddangosol ar gyfer 2022/23, gan nodi gall cydbwysedd y prosiectau a'r cyllid newid oherwydd blaenoriaethu a chyflawni.

Nodi'r trefniadau rheoli rhaglenni gweithredol a fydd yn cael eu gweithredu ar gyfer adfywio a fydd yn monitro ac yn goruchwylio'r prosiectau yn y rhaglen.

Cytuno bod y mesurau sy'n ailagor trefi dros dro a restrir ym mharagraff 3.11 yn parhau yn eu lle am hyd at 18 mis tra bod opsiynau tymor hir yn cael eu cynllunio a'u hymgynghori (er y bydd y mesurau prawf yn parhau i gael eu haddasu mewn ymateb i adborth Aelodau a rhanddeiliaid).

Parhau i awdurdodi'r Prif Swyddog Menter i wneud unrhyw addasiadau i'r mesurau treialu dros dro y bernir eu bod yn angenrheidiol, mewn ymgynghoriad â'r Aelod(au) Cabinet ac Aelod(au) Ward perthnasol, mewn ymateb i adborth rhanddeiliaid.