Manylion y penderfyniad

Gwneir yr argymhellion dilynol, fel y manylir yn Adran 7, 'Goblygiadau Adnoddau':

1. Sefydlu Tîm Ymyrryd Teuluoedd i gyflwyno cefnogaeth deuluol i blant a theuluoedd sydd 'ar ymyl gofal'.

2. Gwneud y Gwasanaeth Cynadleddau Gr?p Teulu, a ddarperir ar hyn o bryd gan Action for Children, yn fewnol a lleoli'r gwasanaeth o fewn y Tîm Cymorth Dwys i Deuluoedd. 

3. Sefydlu swydd Gweithiwr Cefnogaeth 0.5 WTE sydd ar gontract dros dro ar hyn o bryd o fewn y Tîm Help Cynnar ac Asesu.

4. Sefydlu swydd 1.6 Gweithiwr Cymdeithasol Cynorthwyol WTE o fewn y Tîm Cefnogi a Diogelu Teuluoedd.

5. Parhau gyda Gweithiwr Cyswllt 0.6 WTE ar gontract dros dro ynghyd ag un swydd ychwanegol Gweithiwr Cyswllt 0.5 WTE o fewn y tîm cyswllt tra'n bod yn adolygu'r model cyflenwi.

6. Sefydlu Cymhorthydd Personol parhaol 0.5 WTE o fewn y Tîm Tymor Hir ar gyfer ymadawyr gofal.

7. Cyfuno'r strwythur rheoli a'r 'gyfres' o wasanaethau cefnogaeth i deuluoedd a therapiwtig o fewn Gwasanaethau Plant yn cynnwys BASE a chynyddu argaeledd therapi chwarae i blant sy'n derbyn gofal drwy greu swydd ychwanegol 1 diwrnod Therapydd Chwarae 0.2 WTE.